បាត់ដំបង ថ្ងៃទី១១ ខែមេសា ឆ្នាំ២០២៤ -- ឯកឧត្តម សុខ លូ អភិបាលនៃគណៈអភិបាលខេត្ត និងជាប្រធានគណៈកម្មាធិការ សាខាបាទក្រហមកម្ពុជាខេត្តបាត់ដំបង អញ្ជើញចូលរួមក្នុងពិធីបើកយុទ្ធនាការ ស្តីពី “យុវជន និងសុវត្ថិភាពចរាចរណ៍ផ្លូវគោក” នាព្រឹកថ្ងៃទី១១ ខែមេសា ឆ្នាំ២០២៤នេះ និងមាន ការចូល រួមពី ឯកឧត្តម ព្រួញ រិទ្ធថា ប្រធានមន្ទីសាធារណការ និងដឹកជញ្ជូនខេត្ត ឯកឧត្តមឧត្តម សេនីយ៍ទោ សាត់ គឹមសាន ស្នងការនៃស្នងការដ្ឋាននគបាលខេត្ត គណៈកម្មាធិការសាខា អនុគណៈកម្មការសុវត្ថិភាពចរាចណ៍ផ្លូវគោកខេត្ត ការិយាល័យចរាចរណ៍ មន្ត្រីប្រតិបត្តិ សាខា យុវជនកាកបាទក្រហមកម្ពុជា និងក្រុមកាយឫទ្ធិនារីខេត្ត សរុបប្រមាណចំនួន ៥០នាក់។ក្នុងឱកាសនោះ សុខ លូ បាននាំនូវប្រសាសន៍ផ្តាំផ្ញើសួរសុខទុក្ខ និងក្តីនឹករលឹកពី សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងថ្លែងអំណរ គុណយ៉ាងជ្រាលជ្រៅជាទីបំផុត ចំពោះវត្តមានក្មួយៗយុវជនកាកបាទក្រហមកម្ពុជា អនុគណៈកម្មការសុវត្ថិភាពចរាចរណ៍ផ្លូវគោក ដែលមានវត្តមាននៅទីនេះដែលបាន ចំណាយពេលវេលា កម្លាំងកាយ និងឆន្ទៈមុតមកចូលរួមយុទ្ធនាការនាព្រឹកនេះ។ឯកឧត្តមបានបន្តថា “សាខាកាកបាទក្រហមកម្ពុជាខេត្ត តែងតែធ្វើយុទ្ធនាការលើក កម្ពស់សុវត្ថិភាពចរាចរណ៍នេះ ជារៀងរាល់ឆ្នាំ ព្រោះកាកបាទក្រហមកម្ពុជា ជាសមាជិកថ្នាក់ ជាតិរបស់គណៈកម្មាធិការជាតិសុវត្ថិភាពចរាចរណ៍ផ្លូវគោក និងដើម្បីឆ្លើយតបទៅនឹងផែនការ ជាតិទសវត្សរ៍សុវត្ថិភាពចរាចរណ៍ផ្លូវគោកឆ្នាំ២០២១-២០៣០ និងការអំពាវនាវរបស់រាជ រដ្ឋាភិបាលកម្ពុជា សូមឱ្យស្ថាប័នពាក់ព័ន្ធរួមគ្នាចូលរួមកាត់បន្ថយអត្រាស្លាប់ របួសធ្ងន់ និង ពិការដោយសារគ្រោះថ្នាក់ចរាចរណ៍នៅក្នុងព្រះរាជាណាចក្រកម្ពុជា តាមតែអាចធ្វើ ទៅបាន។ គ្រោះថ្នាក់ចរាចរណ៍ជាបញ្ហាប្រឈមចម្បងមួយ បានសម្លាប់ប្រជាពលរដ្ឋខ្មែរ ជាច្រើនពាន់នាក់ក្នុង១ឆ្នាំៗ។ក្នុងឱកាសពិធីបុណ្យចូលឆ្នាំថ្មីប្រពៃណិជាតិខ្មែរ នឹងឈានមកដល់នាពេលខាងមុខនេះ ឯកឧត្តម សុខ លូ ប្រធានគណៈកម្មាធិការសាខាកាកបាទក្រហមកម្ពុជាខេត្ត សូមបួងសួង ដល់ទេវតាឆ្នាំថ្មី ព្រះនាម មហោទរា ទេវី ដែលជាបុត្រីទី ៧របស់កបិលមហាព្រហ្ម សូមប្រទាន ពរជ័យជូនក្មួយៗ និងបងប្អូនទាំងអស់ទៅដល់ទីណាសូមមានសុវត្ថិភាព និងពុទ្ធពរទាំង បួនប្រការគឺ អាយុ វណ្ណៈ សុខៈ ពលៈ កុំឃ្លៀងឃ្លាតឡើយ។សូមបញ្ជាក់ថា៖ យុទ្ធនាការនេះ ក៏មានសំណួរ-ចម្លើយ ដើម្បីដាស់ស្មារតីដល់បងប្អូន ប្រជាពលរដ្ឋឱ្យចូលរួមគោរពច្បាប់ចរាចរណ៍ទាំងអស់គ្នា ដើម្បីសុវត្ថិភាពរបស់ខ្លួនឯង ផងដែរ៕