កិច្ចប្រជុំក្រុមការងារបច្ចេកទេសអន្តរក្រសួងដើម្បីកសាង និងស្តារហេដ្ឋារចនាសម្ព័ន្ធផ្លូវនាវាចរណ៍ពីភ្នំពេញ-កំពង់ចាម និងភ្នំពេញ-កំពង់ឆ្នាំង ទីស្តីការក្រសួង៖ នាថ្ងៃសុក្រ ទី២៩ ខែសីហា ឆ្នាំ២០២៥ ឯកឧត្តម អៀង វ៉េងស៊ុន រដ្ឋលេខាធិការ នៃក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំក្រុមការងារបច្ចេកទេសអន្តរក្រសួងដើម្បីកសាង និងស្តារហេដ្ឋារចនាសម្ព័ន្ធផ្លូវនាវាចរណ៍ពីភ្នំពេញ-កំពង់ចាម និងភ្នំពេញ-កំពង់ឆ្នាំង ដោយមានការអញ្ជើចូលរួមពីថ្នាក់ដឹកនាំក្រសួង តំណាងមកពីក្រសួងរ៉ែ និងថាមពល ក្រសួងធនធានទឹក និងឧតុនិយម ក្រសួងសេដ្ឋកិច្ច និងហិរញ្ញវត្ថុ ក្រសួងបរិស្ថាន និងមន្ត្រីបច្ចេកទេសផងដែរ។ កិច្ចប្រជុំនេះធ្វើឡើងដើម្បីពិភាក្សា និងឯកភាពលើការកំណត់កម្រិតអប្បបរមា លើផ្នែកបច្ចេកទេសលើការងារបូមស្តារកែលម្អហេដ្ឋារចនាសម្ព័ន្ធផ្លូវនាវាចរណ៍ពី ភ្នំពេញ-កំពង់ចាម និងភ្នំពេញ-កំពង់ឆ្នាំង ដែលជាគម្រោងអាទិភាពរបស់រាជរដ្ឋាភិបាលកម្ពុជា ដើម្បីតភ្ជាប់ជាមួយគម្រោងព្រែកជីកហ្វូណនតេជោ៕