គោលនយោបាយ និងយន្តការក្នុងការអភិវឌ្ឍប្រព័ន្ធចម្រោះ និងប្រព្រឹត្តកម្មទឹកកខ្វក់នៅកម្ពុជា ត្រូវបានលើកយកមកពិភាក្សាដើម្បីប្រមូលធាតុចូលសម្រាប់ការងារត្រៀមរៀបចំប្រជុំ ដែលនឹងត្រូវប្រព្រឹត្តទៅនាថ្ងៃទី១៣ ខែវិច្ឆិកា ឆ្នាំ២០២៥ ទីស្ដីការក្រសួង៖ នាព្រឹកថ្ងៃចន្ទ ទី១០ ខែវិច្ឆិកា ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិនិត្យ និងពិភាក្សាការងារត្រៀមរៀបចំកិច្ចប្រជុំជាមួយក្រសួងសេដ្ឋកិច្ច និងហិរញ្ញវត្ថុ ស្តីពីកម្រិតគោលនយោបាយ យន្តការក្នុងការអភិវឌ្ឍប្រព័ន្ធចម្រោះ និងប្រព្រឹត្តកម្មទឹកកខ្វក់នៅកម្ពុជា ដោយមានការអញ្ជើញចូលរួមពី ឯកឧត្តមរដ្ឋលេខាធិការ ឯកឧត្តមអនុរដ្ឋលេខាធិការ ឯកឧត្តមអគ្គនាយក អគ្គនាយករង និងមន្ត្រីជំនាញពាក់ព័ន្ធ នៃអគ្គនាយកដ្ឋានប្រព័ន្ធចម្រោះទឹកកខ្វក់។ កិច្ចប្រជុំនេះរៀបចំឡើងក្នុងបំណងដើម្បីពិនិត្យ និងពិភាក្សាប្រមូលធាតុចូលសម្រាប់ការងារត្រៀមរៀបចំកិច្ចប្រជុំ ស្តីពីកម្រិតគោលនយោបាយ យន្តការក្នុងការអភិវឌ្ឍប្រព័ន្ធចម្រោះ និងប្រព្រឹត្តកម្មទឹកកខ្វក់នៅកម្ពុជា ដែលនឹងត្រូវប្រព្រឹត្តទៅនាថ្ងៃទី១៣ ខែវិច្ឆិកា ឆ្នាំ២០២៥ ដោយមានការចូលរួមពីក្រសួងស្ថាប័នពាក់ព័ន្ធ រដ្ឋបាលថ្នាក់ក្រោមជាតិ អង្គការ និងដៃគូរអភិវឌ្ឍនានា៕