ខេត្តបាត់ដំបងៈយ៉ាងហោចនៅថ្ងៃទី១៦ឆ្លងចូលថ្ងៃ១៧យប់វេលាម៉ោងជាង១ដល់ ម៉ោងជិត៤ទាប់ភ្លឺរថយន្តខ្នាតធំជាង​២០គ្រឿងដែលផ្ទុកលើសទម្ងន់កម្រិតកំណត់ក្នុងសៀវភៅបន្ទុកដល់ទៅជាង២០តោនរហូតដល់ខ្លះជាង៥០តោនត្រូវ បានមន្រ្តីជំនាញក្រសួងសាធារណៈការនិងដឹកជញ្ជូនសហការជា១កម្លាំងសម ត្ថកិច្ចចម្រុះខេត្តស្ទាក់ចាប់បាននាំយកមកថ្លឹងនិងផាកពិន័យទៅតាមផ្លូវច្បាប់។ លោកមិន ស៊ីតារា,មន្រ្តីក្រសួងសាធារណៈការនិងដឹកជញ្ជូននងជាប្រធានក្រុម បច្ចេកទេសជញ្ជីងចល័តក្រសួងបានឲ្យដឹងថា រថយន្តធុនធំប្រភេទយីឌុបទាំង អស់នេះគឺបានផ្ទុកទម្ងន់លើសកម្រិតកំណត់ចាប់ពី១០%២០%និងដល់ទៅ ៣០%នៃទម្ងន់សរុបទាំងសំបករថយន្តលើសចាប់ពីជាង១០តោនទៅដល់ជាង៥០,បើលើសក្រោម៥%ត្រឹម៥តោននិងមានការលើកលែងអនុគ្រោះឲ្យ។ លោកបន្តថា៖ តែរថយន្តទាំងអស់ក្នុងបេសកកម្មប្រតិបត្តិការយប់នេះគឺក្នុង ចំណោមរថយន្តថ្លឹងហើយជិត១០គ្រឿងមាន៧គ្រឿងផ្ទុកលើសទម្ងន់ចាប់ពីជាង១០តោនដល់៥០តោនទៅហើយ មិនអាចលើកលែងឲ្យបានឡើយនិងនាំរថយន្តទាំងនោះយកទៅធ្វើការផាកពិន័យគុណតម្លៃទៅតាមតារាងកំណត់។ លោកបានសំណូមពរឲ្យម្ចាស់រថយន្តទាំងអស់ចូលរួមគោរពច្បាប់ដើម្បីកាត់បន្ថ យនូវការខូចខាតផ្លូវថ្នល់ រួមចំណែកក្នុងការសន្សំថវិការជាតិព្រមទាំងធ្វើឲ្យប្រ សើរឡើងដល់សុវត្ថិភាពហេដ្ឋារចនាសម្ព័ន្ធដឹកជញ្ជូនផ្លូវគោក ហើយក៏ជួយធានាឲ្យការប្រគួតប្រជែងដោយយុត្តិធម៌ក្នុងការដឹកជញ្ជូននិងការពារបរិស្ថានផងដែរ។ សូមបញ្ជាក់ដែរថា យោងតាមច្បាប់ផ្សព្វផ្សាយអំពីច្បាប់និងបញ្ញត្តិនានានិងការដឹកជញ្ជូនលើសទម្ងន់កំណត់ទី១,ការកម្រិត​ទម្ងន់អតិបរមាសង្កត់លើភ្លៅរថយន្តរ៉ឺម៉កឬសិមីរ៉ឺម៉ក៦តោនដល់២៤តោន,ទី២,ការកម្រិតទម្ងន់អតិបរមារបស់រថយន្ត​ទោល១៦តោនដល់៣៥តោន,ទី៣,ការកម្រិតទម្ងន់សរុបអតិបរមារថយន្តសណ្តោងរ៉ឺម៉កឬសិមីរ៉ឺម៉ក៣៥ដល់៤០តោន។ ចំពោះការផ្ទុកលើសទម្ងន់អតិបរមានៃភ្លៅទម្ងន់សរុបអនុញ្ញាតិអតិបរមានៃយានយន្ត និងត្រូវទទួលទណ្ឌស្របតាមមាត្រា៦០នៃច្បាប់ស្តីពីផ្លូវថ្នល់៕