កិច្ចប្រជុំពិភាក្សាការងារបច្ចេកទេស និងរបាយការណ៍ការងារបច្ចេកទេសគំនូរប្លង់លម្អិតបញ្ចប់ សម្រាប់គម្រោង Green Siem Reap Sewerage ទីស្តីការក្រសួង៖ នាថ្ងៃអង្គារ ទី២២ ខែកក្កដា ឆ្នាំ២០២៥ ឯកឧត្តម សូរ វ៉ិចទ័រ រដ្ឋលេខាធិការ ក្រសួងសាធារណការ និងដឹកជញ្ជូន និងជានាយកគម្រោង បានដឹកនាំកិច្ចប្រជុំពិភាក្សាការងារបច្ចេកទេស និងរបាយការណ៍ការងារបច្ចេកទេសគំនូរប្លង់លម្អិតបញ្ចប់ សម្រាប់គម្រោង Green Siem Reap Sewerage ដែលរៀបចំដោយក្រុមហ៊ុនទីប្រឹក្សាបច្ចេកទេស Saman-Yooshin-KCIEng JV ក្រោមក្របខ័ណ្ឌឥណទានសហប្រតិបត្តិការពីរដ្ឋាភិបាលនៃសាធារណរដ្ឋកូរ៉េ និងមានការចូលរួមផងដែរពីតំណាងក្រសួងសេដ្ឋកិច្ច និងហិរញ្ញវត្ថុ តំណាង EDCF និងសមាជិកអង្គភាពគ្រប់គ្រងគម្រោងផងដែរ។ កិច្ចប្រជុំនេះធ្វើឡើងដើម្បីពិនិត្យ និងពិភាក្សាទៅលើរបាយការណ៍ការងារបច្ចេកទេសគំនូរប្លង់លម្អិត ដែលផ្តោតលើការងារមួយចំនួនដូចជា៖ ការរៀបចំឯកសារ បច្ចេកទេសការរចនាគំនូរប្លង់លម្អិត ការចូលរួមសហការពីភាគីពាក់ព័ន្ធក្នុងការអនុវត្តគម្រោងបានឆាប់រហ័ស។ គម្រោងនេះនឹងពង្រីកសមត្ថភាពបន្ថែមក្នុងការលើកកម្ពស់ការគ្រប់គ្រងអនាម័យ និងទឹកកខ្វក់ នៅក្រុងសៀមរាប ដើម្បីកែលម្អ ការពារទឹកជំនន់ ការកកស្ទះលូ និងការប៉ះពាល់បរិស្ថាន ដោយនឹងអភិវឌ្ឍទៅលើប្រព័ន្ធលូ អាងប្រព្រឹត្តកម្មចម្រោះប្រព័ន្ធទឹកកខ្វក់ និងវិធានអនាម័យផ្សេងៗ សំដៅធ្វើយ៉ាងណាអាចគ្រប់គ្រងលើប្រតិបត្តិការ សម្រេចគោលនយោបាយ និងយុទ្ធសាស្ត្រនានាទាក់ទងនឹងការគ្រប់គ្រង អភិវឌ្ឍប្រព័ន្ធចម្រោះទឹកកខ្វក់ឱ្យទទួលបាននូវសោភ័ណភាពទីក្រុងបៃតង និងភាពទាក់ទាញផងដែរ៕