ថ្នាក់ដឹកនាំក្រសួងចុះពិនិត្យទីតាំងអនុវត្តគម្រោងអភិវឌ្ឍន៍ហេដ្ឋារចនាសម្ព័ន្ធទីក្រុង ក្នុងក្រុងកំពង់ឆ្នាំង
2025-10-04
ទៅកាន់ទំព័រចុះផ្សាយក្នុង MPWT
ថ្នាក់ដឹកនាំក្រសួងចុះពិនិត្យទីតាំងអនុវត្តគម្រោងអភិវឌ្ឍន៍ហេដ្ឋារចនាសម្ព័ន្ធទីក្រុង ក្នុងក្រុងកំពង់ឆ្នាំង
កំពង់ឆ្នាំង៖ នាថ្ងៃព្រហស្បតិ៍ ទី២ ខែតុលា ឆ្នាំ២០២៥ ឯកឧត្ដម ហេង ណន រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោង រួមជាមួយឯកឧត្តម ស៊ុន សុវណ្ណារិទ្ធិ អភិបាលនៃគណៈអភិបាលខេត្តកំពង់ឆ្នាំង បានដឹកនាំកិច្ចប្រជុំពិភាក្សាអំពីគម្រោងអភិវឌ្ឍន៍ហេដ្ឋារចនាសម្ព័ន្ធទីក្រុង ក្រោមហិរញ្ញប្បទានពីធនាគារវិនិយោគហេដ្ឋារចនាសម្ព័ន្ធអាស៊ី (AIIB) និងបានចុះពិនិត្យទីតាំងអនុវត្តគម្រោង ស្ថិតក្នុងភូមិសាស្ត្រក្រុងកំពង់ឆ្នាំង។
បេសកកម្មចុះពិនិត្យទីតាំងអនុវត្តគម្រោងនេះ មានការចូលរួមពីឯកឧត្តម លោកជំទាវអនុរដ្ឋលេខាធិការ អភិបាលរងខេត្ត អភិបាលក្រុង ស្រុក ប្រធានមន្ទីរពាក់ព័ន្ធ នាយកទីចាត់ការ ចៅសង្កាត់ និងមន្ត្រីពាក់ព័ន្ធ៕
