ថ្នាក់ដឹកនាំក្រសួងទទួលជួបពិភាក្សាការងារជាមួយនាយកប្រចាំតំបន់អាស៊ី នៃវិទ្យាស្ថានកំណើនបៃតងសកល (GGGI) ដើម្បីពង្រឹងកិច្ចសហប្រតិបត្តិការលើវិស័យការងារទឹកកខ្វក់ ទីស្ដីការក្រសួង៖ នាថ្ងៃអង្គារ ទី២២ ខែកក្កដា ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានទទួលជួបសម្តែងការគួរសម និងពិភាក្សាការងារជាមួយ Dr. Mallé Fofana នាយកប្រចាំតំបន់អាស៊ី នៃទីស្នាក់ការកណ្តាលវិទ្យាស្ថានអភិវឌ្ឍន៍បៃតង(GGGI) ដែលមានមូលដ្ឋាននៅទីក្រុងសេអ៊ូល សាធារណរដ្ឋកូរ៉េ បានមកបំពេញទស្សនកិច្ចនៅកម្ពុជានៅថ្ងៃទី២១ - ២៣ ខែកក្កដា ឆ្នាំ ២០២៥ ដោយមានការអញ្ជើញចូលរួមពីថ្នាក់ដឹកនាំ និងមន្ត្រីជំនាញនៃអគ្គនាយកដ្ឋានប្រព័ន្ធចម្រោះទឹក អគ្គនាយកដ្ឋានដឹកជញ្ជូនផ្លូវគោក និងក្រុមការងាររបស់GGGI ដើម្បីពង្រឹងកិច្ចសហប្រតិបត្តិការលើការងារវិស័យទឹកកខ្វក់ និងការអភិវឌ្ឍប្រកបដោយចីរភាពនៅកម្ពុជា។