កិច្ចប្រជុំទ្វេភាគីរវាងវិទ្យាស្ថានតេជោសែន សាធារណការ និងដឹកជញ្ជូន និងគណៈប្រតិភូគណៈកម្មការគ្រប់គ្រងទ្រព្យសម្បត្តិរដ្ឋក្រុងឆុងឈីង ប្រទេសចិន ដើម្បីពង្រឹងការផ្លាស់ប្តូរ និងកិច្ចសហប្រតិបត្តិការក្នុងវិស័យដឹកជញ្ជូន និងអប់រំ ទីស្តីការក្រសួង៖ នាថ្ងៃចន្ទ ទី១៤ ខែកក្កដា ឆ្នាំ២០២៥ ឯកឧត្ដម ប្រាងហង្ស សេរីរិទ្ធ នាយកវិទ្យាស្ថានតេជោសែន សាធារណការ និងដឹកជញ្ជូន បានអញ្ជើញជួបប្រជុំទ្វេភាគីរវាងវិទ្យាស្ថានតេជោសែន សាធារណការ និងដឹកជញ្ជូន និងគណៈប្រតិភូគណៈកម្មការគ្រប់គ្រងទ្រព្យសម្បត្តិរដ្ឋក្រុងឆុងឈីង ប្រទេសចិន(Chongqing State-owned Assets Supervision and Administration Commission) ដឹកនាំដោយ លោក Zeng Jinghua អគ្គនាយកនៃគណៈកម្មការគ្រប់គ្រងទ្រព្យសម្បត្តិរដ្ឋក្រុងឆុងឈីង។ គោលបំណងសំខាន់នៃកិច្ចប្រជុំនេះ គឺដើម្បីពង្រឹងការផ្លាស់ប្តូរ និងកិច្ចសហប្រតិបត្តិការក្នុងវិស័យដឹកជញ្ជូន និងអប់រំ រវាងវិទ្យាស្ថានតេជោសែន សាធារណការ និងដឹកជញ្ជូន និងស្ថាប័នមួយចំនួននៅទីក្រុង Chongqing នៃសាធារណរដ្ឋប្រជាមានិតចិន។ ជាលទ្ធផលនៃកិច្ចប្រជុំ ភាគីទាំងពីរបានឯកភាពក្នុងការរឹតចំណងកិច្ចសហប្រតិបត្តការ និងលើកកម្ពស់កិច្ចការអប់រំ និងបណ្តុះបណ្តាលក្នុងវិស័យសាធារណការ និងដឹកជញ្ជូន រួមទាំងការអញ្ជើញភាគីវិទ្យាស្ថានដើម្បីបានទៅទស្សនកិច្ចអំពីហេដ្ឋារចនាសម្ព័ន្ធដឹកជញ្ជូននៅទីក្រុង Chongqing ថែមទៀតផង។ លើសពីនេះទៅទៀត ក្នុងកម្មវិធីនេះផងដែរ ក៏មានការសម្ពោធផ្លាកនៃកិច្ចសហប្រតិបត្តិការរវាងកម្ពុជា-ចិន លើកិច្ចការអប់រំ និងស្រាវជ្រាវ ហើយក៏មានការចុះអនុស្សរណៈចំនួនពីរ គឺអនុស្សរណៈនៃការយោគយល់គ្នា (MoU) ស្តីអំពី “Belt and Road” Transportation Senior Management Seminar Memorandum និង អនុស្សរណៈនៃកិច្ចព្រមព្រៀង (MoA) ស្តីអំពី Agreement on the Development and Promotion of Curriculum Standards and Resources for Chinese + Transportation Professions ដែលការចុះអនុស្សរណៈទាំងពីរនេះ និងជួយពង្រឹងសមត្ថភាពមន្រ្តីរាជការ បុគ្គលិក និងនិសិ្សត ធ្វើទំនើបកម្មអភិវឌ្ឍកម្មវីធីសិក្សារបស់វិទ្យាស្ថាន និងកិច្ចសហការផ្លាស់ប្តូរបទពិសោធន៍រវាងគ្រូបង្រៀននៅវិទ្យាស្ថាន និងនៅទីក្រុង Chongqing៕