កិច្ចប្រជុំក្រុមប្រឹក្សាភិបាល នៃមន្ទីរពិសោធន៍សំណង់ និងសាធារណការ អាណត្តិទី៦ លើកទី៧ ទីស្តីការក្រសួង៖ នាថ្ងៃពុធ ទី១៤ ខែមករា ឆ្នាំ២០២៦នេះ លោកជំទាវ ឥម នីថារ៉ា រដ្ឋលេខាធិការ និងជាប្រធានក្រុមប្រឹក្សាភិបាល មន្ទីរពិសោធន៍សំណង់ និងសាធារណការ បានអញ្ជើញដឹកនាំកិច្ចប្រជុំក្រុមប្រឹក្សាភិបាល នៃមន្ទីរពិសោធន៍សំណង់ និងសាធារណការ អាណត្តិទី៦ លើកទី៧ ដោយមានការចូលរួមពីសមាជិកក្រុមប្រឹក្សាភិបាល ដែលជាតំណាងមកពីក្រសួងស្ថាប័នពាក់ព័ន្ធ។ កិច្ចប្រជុំនេះត្រូវបានធ្វើឡើងដោយផ្តោតសំខាន់ទៅលើរបៀបវារៈចំនួន៣៖ ១). ពិនិត្យ និងអនុម័តលើពង្រាងផែនការហិរញ្ញវត្ថុ និងវិនិយោគឆ្នាំ២០២៦ ២). ពិនិត្យ អនុម័តលើរបាយការណ៍អនុវត្តការងារអាជីវកម្ម-សេវាកម្ម និងការងារវិនិយោគនព្វមាស ឆ្នាំ២០២៥ និង ៣.បញ្ហាផ្សេងៗ។ បន្ទាប់ពីបានពិនិត្យ និងពិភាក្សាយ៉ាងផុសផុល អង្គប្រជុំក្រុមប្រឹក្សាភិបាល មពសស បានអនុម័តទាំងស្រុងលើពង្រាងផែនការហិរញ្ញវត្ថុ និងវិនិយោគឆ្នាំ២០២៦ និងរបាយការណ៍អនុវត្តន៍ការងារអាជីវកម្ម-សេវាកម្ម និងការងារវិនិយោគនព្វមាស ឆ្នាំ២០២៥របស់មន្ទីរពិសោធន៍សំណង់ និងសាធារណការ (មពសស)។ ក្នុងការប្រកបអាជីវកម្ម មន្ទីរពិសោធន៍សំណង់ និងសាធារណការ (មពសស) បានគោរពនូវរាល់គោលការណ៍ និងកាតព្វកិច្ចជាសហគ្រាសសាធារណៈ ដោយបានប្រមូលពន្ធអាករលើតម្លៃបន្ថែម (VAT) ពីអតិថិជន និងពន្ធអាករផ្សេងៗ ជាច្រើនទៀតបង់ចូលថវិការដ្ឋយ៉ាងត្រឹមត្រូវ៕