ស្ថានីយជញ្ជីងអចល័ត បឹងឃុនឆាង ខេត្តកោះកុង ត្រូវបានប្រកាសសមាសភាពមន្ត្រីឱ្យចូលបម្រេីការងារត្រួតពិនិត្យយានយន្តដឹកជញ្ជូនលេីសទម្ងន់កម្រិតកំណត់ កោះកុង ៖ នៅព្រឹកថ្ងៃទី២០ ខែឧសភា ឆ្នាំ២០២៥ ឯកឧត្តម សេង ឈួន រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានគណៈកម្មាធិការសម្របសម្រួលអចិន្រ្តៃយ៍ បានដឹកនាំគណៈប្រតិភូ ចុះប្រកាសសមាសភាពមន្រ្តីប្រចាំការនៅស្ថានីយជញ្ជីងអចល័ត បឹងឃុនឆាង ខេត្តកោះកុង ដែលជាទីតាំងស្ថានីយថ្មី ស្ថិតនៅតាមបណ្តោយផ្លូវជាតិលេខ១០ ត្រង់គ.មលេខ១៩៥+៩៨០ ក្នុងភូមិបឹងឃុនឆាង សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង និងមានការអញ្ជេីញចូលរួម ឯកឧត្តមអនុរដ្ឋលេខាធិការ លោកប្រធានលេខាធិការដ្ឋាន លោកប្រធានមន្ទីរសាធារណការ និងដឹកជញ្ជូនខេត្តកោះកុង សមាសភាពមន្រ្តីស្ថានីយបឹងឃុនឆាង ចំនួន១១រូប ក្នុងនោះមកពីតំណាងក្រសួងសាធារណការ និងដឹកជញ្ជូន៣រូប តំណាងមន្ទីរសាធារណការ និងដឹកជញ្ជូនខេត្តកោះកុង៣រូប តំណាងរដ្ឋបាលខេត្តកោះកុង១រូប តំណាងស្នងការដ្ឋាននគរបាលខេត្តកោះកុង២រូប និងតំណាងបញ្ជាការដ្ឋានកងរាជអាវុធហត្ថខេត្តកោះកុង២រូប។ ឆ្លៀតក្នុងឱកាសនេះ ឯកឧត្តមប្រធាន បានផ្តល់អនុសាសន៍ណែនាំដល់មន្រ្តីទាំងអស់ដែលត្រូវប្រចាំការនៅស្ថានីយថ្មីនេះ ត្រូវខិតខំអនុវត្តតួនាទី ភារកិច្ចត្រួតពិនិត្យយានយន្តដឹកជញ្ជូនលេីសទម្ងន់ឱ្យបានត្រឹមត្រូវ និងម៉ឺងម៉ាត់ ស្របតាមច្បាប់ស្តីពីផ្លូវថ្នល់ មាត្រា២៦ និងមាត្រា៦០ និងលិខិតបទដ្ឋានគតិយុត្តជាធរមាន ត្រូវគោរពវិន័យ បទបញ្ជាផ្ទៃក្នុង មានសាមគ្គីភាព និងកិច្ចសហការគ្នាឱ្យបានល្អ ដេីម្បីធ្វេីយ៉ាងណាឱ្យការអនុវត្តការងារទទួលបាននូវប្រសិទ្ធភាព៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube