កិច្ចប្រជុំអន្តរក្រសួង ស្ដីអំពីបេសកម្មបច្ចេកទេសរបស់ធនាគារពិភពលោក សម្រាប់គម្រោងធ្វើឱ្យប្រសើរឡើងនូវការគ្រប់គ្រងសំរាម សំណល់រឹង និងប្លាស្ទិក នៅប្រទេសកម្ពុជា ទីស្ដីការក្រសួងមហាផ្ទៃ៖ ថ្ងៃចន្ទ ទី៧ ខែមេសា ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោង បានអញ្ជើញដឹកនាំក្រុមការងារអនុវត្តគម្រោង ចូលរួម កិច្ចប្រជុំអន្តរក្រសួងស្ដីអំពីបេសកម្មបច្ចេកទេសរបស់ធនាគារពិភពលោក (WB) សម្រាប់គម្រោងធ្វើឱ្យប្រសើរឡើងនូវការគ្រប់គ្រងសំរាម សំណល់រឹង និងប្លាស្ទិក នៅប្រទេសកម្ពុជា ចាប់ពីថ្ងៃទី ០៧ ដល់ថ្ងៃទី ១១ ខែធ្នូ ឆ្នាំ២០២៤ ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ជានាយករងគម្រោង,ប្រធានគ្រប់គ្រងគម្រោង សមាជិកគម្រោង ថ្នាក់ដឹកនាំតំណាងក្រសួងបរិស្ថាន, តំណាងក្រសួងសេដ្ឋកិច្ច និងហិរញ្ញវត្ថុ, មន្ត្រីជំនាញនៃអង្គភាពគ្រប់គ្រងគម្រោងក្រសួងមហាផ្ទៃ និងក្រុមការងាររបស់ធនាគារពិភពលោក ដឹកនាំដោយ លោកស្រី Katelijn van den Berg អ្នកឯកទេសជាន់ខ្ពស់ផ្នែកបរិស្ថាន និងជាប្រធានក្រុមការងារបេសកកម្ម។ បន្ទាប់ពីប្រជុំអន្តរក្រសួង ឯកឧត្តមរដ្ឋលេខាធិការ ក៏បានជួបពិភាក្សាទ្វេភាគីជាមួយក្រុមការងារធនាគារពិភពលោក(WB) នៅទីស្តីការក្រសួងសាធារណការ និងដឹកជញ្ជូន ដើម្បីពិនិត្យវឌ្ឍនភាពការងារដែលបានធ្វើឡើងចាប់តាំងពីបេសកកម្មចុងក្រោយរបស់ក្រុមការងារធនាគារពិភពលោក ក្នុងខែធ្នូ ឆ្នាំ២០២៤ និងពិភាក្សាអំពីសកម្មភាពសំខាន់ៗដែលបានព្រមព្រៀងគ្នា ដើម្បីបង្កើននូវវឌ្ឍនភាពនៃការអនុវត្តគម្រោងបន្ត និងពិនិត្យលើវឌ្ឍនភាពនៃការបញ្ចប់ផែនការកំណត់ទីតាំង និងការរៀបចំបោះបង្គោលផ្លូវចូលទីលានទុកដាក់សំរាម សម្រាប់ខេត្តសៀមរាប និងខេត្តកណ្តាល៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube