កិច្ចប្រជុំពិនិត្យវឌ្ឍនភាពការងារប្រចាំខែធ្នូ ឆ្នាំ២០២៥ និងទិសដៅការងារសម្រាប់ខែមករា ឆ្នាំ២០២៦ របស់អគ្គនាយកដ្ឋានបច្ចេកទេស ទីស្តីការក្រសួង៖ នាថ្ងៃចន្ទ ទី១២ ខែមករា ឆ្នាំ២០២៦ ឯកឧត្តម យិត បុណ្ណា រដ្ឋលេខាធិការក្រសួងសាធារណការ និងដឹកជញ្ជូន អញ្ជើញដឹកនាំកិច្ចប្រជុំពិនិត្យវឌ្ឍនភាពការងារប្រចាំខែធ្នូ ឆ្នាំ២០២៥ និងទិសដៅការងារសម្រាប់ខែមករា ឆ្នាំ២០២៦ របស់អគ្គនាយកដ្ឋានបច្ចេកទេស ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ឯកឧត្តមទីប្រឹក្សាក្រសួង ឯកឧត្តមអគ្គនាយកបច្ចេកទេស លោកអគ្គនាយករងបច្ចេកទេស លោកប្រធាននាយកដ្ឋានក្រោមឱវាទអគ្គនាយកដ្ឋាន ព្រមទាំងមន្ត្រីជំនាញពាក់ព័ន្ធជាច្រើនរូប។ កិច្ចប្រជុំនេះត្រូវបានរៀបចំឡើងដើម្បីពិនិត្យនូវផែនការសកម្មភាពការងារដែលអគ្គនាយកដ្ឋានត្រូវអនុវត្តបន្តជាមួយនឹងការពិនិត្យលើលទ្ធផលការងារដែលសម្រេចបាននៅក្នុងខែធ្នូ ឆ្នាំ២០២៥ និងពិនិត្យលើបញ្ហាប្រឈមនានាលើការអនុវត្តការងារកន្លងមក ដើម្បីពិភាក្សារកដំណោះស្រាយ ព្រមទាំងត្រៀមអនុវត្តផែនការសកម្មភាពសម្រាប់ខែមករា ឆ្នាំ២០២៦ សំដៅធ្វើយ៉ាងណាឱ្យការងារកំពុងអនុវត្ត និងត្រៀមអនុវត្តកាន់តែមានប្រសិទ្ធភាព ស្របទៅតាមផែនការសកម្មភាពរបស់អគ្គនាយកដ្ឋានប្រចាំឆ្នាំ២០២៦៕