សេចក្តីជូនដំណឹង ស្តីពីការក្លែងបន្លំយករូបភាពមន្ត្រីរបស់ក្រសួងសាធារណការ និងដឹកជញ្ជូន ទៅឆបោកប្រជាពលរដ្ឋថាជាអ្នកបម្រើសេវាសាធារណៈក្រសួង ក្រសួងសាធារណការ និងដឹកជញ្ជូន សូមជម្រាបជូនសាធារណជនមេត្តាជ្រាបថា មានករណីជនខិលខូចមួយចំនួនបានបង្កើត គណនីហ្វេសប៊ុកក្លែងក្លាយ ដោយយករូបភាពមន្ត្រីរបស់ក្រសួងសាធារណការ និងដឹកជញ្ជូន ទៅឆបោកប្រជាពលរដ្ឋ ដែលការចុះផ្សាយលើគណនីហ្វេសប៊ុកទាំងអស់ខាងលើនេះ ជាព័ត៌មានមិនពិត មានចរិតបង្កការភាន់ច្រឡំដល់សាធារណជន ធ្វើឱ្យប៉ះពាល់ដល់កិត្តិយស និងសេចក្តីថ្លៃថ្នូររបស់មន្ត្រី ក៏ដូចជាក្រសួងសាធារណការ និងដឹកជញ្ជូន ផងដែរ។ សាមីខ្លួនក៏បានដាក់ពាក្យបណ្តឹងទៅសមត្ថកិច្ចផងដែរ ដើម្បីចាត់វិធានការទៅតាមច្បាប់។ ជាមួយគ្នានេះ សូមជំរុញលើកទឹកចិត្ត និងអំពាវនាវដល់សាធារណជន បងប្អូនប្រជាពលរដ្ឋមេត្តាចៀសវាងការប្រើប្រាស់សេវាសាធារណៈក្រៅផ្លូវការ ដែលនាំឱ្យខាតបង់ពេលវេលា ព្រមទាំងថវិកា និងសូមមកទទួលសេវាសាធារណៈ នៅតាមមណ្ឌលផ្តល់សេវារបស់ក្រសួងសាធារណការ និងដឹកជញ្ជូន៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube