ថ្នាក់ដឹកនាំ និងមន្ត្រីបច្ចេកទេសចុះត្រួតពិនិត្យស្ថានភាពមហាវិថី ស៊ី ជីនពីង ដើម្បីបង្កើនសុវត្ថិភាពដល់អ្នកដំណើរ ភ្នំពេញ៖ រយៈពេល២ថ្ងៃ គឺនៅថ្ងៃទី៩-១០ ខែកញ្ញា ឆ្នាំ២០២៤ ឯកឧត្តម នៃ ប៉ាត់ និងឯកឧត្តម ឃុន សុខា អនុ តំណាងឯកឧត្ដម លឹម ស៊ីដេនីន , ឯកឧត្តម ផន រឹម អ្នកនាំពាក្យក្រសួង បានចុះពិនិត្យស្ថានភាពមហាវិថី ស៊ី ជីនពីង (ក្រវាត់ក្រុងទី៣)ដោយមានការចូលរួមពី មន្ត្រីជំនាញបច្ចេកទេសក្រសួង ខេត្តកណ្តាល ក្រុមបច្ចេកទេសក្រុមហ៊ុនសំណង់សៀងហៃ (SCG) និងមន្ត្រីពាក់ព័ន្ធជាច្រើនរូបផងដែរ។ បេសកកម្មចុះត្រួតពិនិត្យនេះ ដើម្បីប្រមូលធាតុចូល ឈានទៅកែសម្រួល និងបំពេញបន្ថែមចន្លោះខ្វះផ្នែកបច្ចេកទេសមួយចំនួន ដើម្បីសម្រួល និងបង្កើនសុវត្ថិភាពដល់ការធ្វើដំណើរ និងរបស់បងប្អូនប្រជាពលរដ្ឋ។ សូមអំពាវនាវដល់ប្រជាពលរដ្ឋអ្នកប្រើប្រាស់មហាវិថីនេះ ដោយស្មារតីប្រុងប្រយ័ត្ន កុំលើសល្បឿនកំណត់ និងត្រូវគោរពណ៍គោកឱ្យបានខ្ជាប់ខ្ជួន ដើម្បីសុខសុវត្ថិភាពទាំងអស់គ្នា៕ :: ភ្ជាប់ទំនាក់ទំនងជាមួយ (MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube