សិក្ខាសាលាផ្សព្វផ្សាយ និងការបណ្តុះបណ្តាល ស្តីពីបែបបទ និងនីតិវិធីនៃការគ្រប់គ្រង និងការផ្តល់សេវារដ្ឋបាលក្នុងវិស័យដឹកជញ្ជូនផ្លូវគោក-ផ្លូវទឹកនិងវិស័យសាធារណការដល់មន្រ្តីអនុវត្តមុខងារនៅអង្គភាពច្រកចេញចូលតែមួយរាជធានី ខេត្ត និងការិយាល័យច្រកចេញចូលតែមួយនៃរដ្ឋបាលក្រុង ស្រុក ខណ្ឌ ខេត្តកំពង់ស្ពឺ៖ ថ្ងៃព្រហស្បតិ៍-សុក្រ៦រោច- ៧រោច ខែជេស្ឋ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី២៧-២៨ ខែមិថុនាឆ្នាំ២០២៤ លេខាធិការដ្ឋាននៃគណៈកម្មការដឹកនាំកំណែទម្រង់វិមជ្ឈការ និងវិសហមជ្ឈការ បានរៀបចំសិក្ខាសាលាផ្សព្វផ្សាយ និងការបណ្តុះបណ្តាលស្តីពីបែបបទ និងនីតិវិធីនៃការគ្រប់គ្រង និងការផ្តល់សេវារដ្ឋបាលក្នុងវិស័យដឹកជញ្ជូនផ្លូវគោក -ផ្លូវទឹកនិងវិស័យសាធារណការដល់មន្រ្តីអនុវត្តមុខងារនៅអង្គភាពច្រកចេញចូលតែមួយរាជធានី ខេត្ត និងការិយាល័យច្រកចេញចូលតែមួយនៃរដ្ឋបាលក្រុង ស្រុក ខណ្ឌ ដែលមានរយៈពេល២ថ្ងៃ នៅរដ្ឋបាលខេត្តកំពង់ស្ពឺ ។ ពិធីបើកសិក្ខាសាលា និងការបណ្តុះណ្តាលត្រូវបានរៀបចំក្រោមអធិបតីភាពឯកឧត្តមឯកឧត្តម សួន រចនា រដ្ឋលេខាធិការ និងជាអនុប្រធានប្រចាំការនៃគណៈកម្មការដឹកនាំកំណែ ទម្រង់វិមជ្ឈការនិងវិសហមជ្ឈការ តំណាងដ៏ខ្ពង់ខ្ពស់ឯកឧត្តម ប៉េង ពោធិ៍នា រដ្ឋមន្រ្តី និងជាប្រធានគណៈកម្មការដឹកនាំកំណែទម្រង់វិមជ្ឈការ និងវិសហមជ្ឈការក្រសួងសាធារណការ និងដឹកជញ្ជូន។ អង្គសិក្ខាសាលាត្រូវបានចូលរួមដោយឯកកឧត្តម អភិបាលរងខេត្ត ប្រធានអនុប្រធានអង្គភាពច្រកចេញចូលតែមួយខេត្ត ប្រធាន-អនុប្រធានការិយាល័យច្រកចេញចូលតែមួយនៃរដ្ឋបាលក្រុង ស្រុក និងមន្ត្រីពាក់ព័ន្ធនៃរាជធានី ខេត្តទាំង ៩ និងក្រុង ស្រុក ខណ្ឌចំនួន៧៧ រួមមាន ខេត្តកំពង់ស្ពឺ ស្វាយរៀង កណ្តាល តាកែវ កែប កំពត ព្រះសីហនុ កោះកុង និងរាជធានីភ្នំពេញ។ គោលបំណងនៃការរៀបចំសិក្ខាសាលាដើម្បីបន្តការគាំទ្រដល់មន្រ្តីអនុវត្តមុខងារដើម្បីមានសមត្ថភាពគ្រប់គ្រាន់ក្នុងការផ្តល់សេវារដ្ឋបាលជូនប្រជាពលរដ្ឋប្រកបដោយប្រសិទ្ធភាព គុណភាព គណនយ្យភាព និងតម្លាភាព។ លើសពីនេះ ដើម្បីផ្លាស់ប្តូរបទពិសោធន៍ ចំណេះដឹង និងដោះស្រាយបញ្ហាប្រឈមនានាជាមួយគ្រូបង្គោលរបស់ក្រសួង។ សិក្ខាសាលាផ្សព្វផ្សាយ និងការបណ្តុះបណ្តាលនេះគឺជាការរៀបចំវគ្គទី២ នៃឆ្នាំ២០២៤ ដោយមានការធ្វើបទបង្ហាញពីក្រុមការងារបច្ចេកទសមានតំណងពីអគ្គនាយកដ្ឋានដឹកជញ្ជូនផ្លូវគោក អគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ អគ្គនាយកដ្ឋានបច្ចេកទេស នៃក្រសួងសាធារណការ និងដឹកជញ្ជូន លើប្រធានបទមួយចំនួនមានដូចជា៖ ១.ផ្សព្វផ្សាយច្បាប់ស្តីពីការដឹកជញ្ជូនតាមផ្លូវទឹក និងអត្ថប្រយោជន៍ដឹកជញ្ជូនតាមផ្លូវទឹក ២. បែបបទ និងនីតិវិធីនៃការផ្តល់សេវារដ្ឋបាលក្នុងវិស័យដឹកជញ្ជូនតាមផ្លូវទឹក ៣. បទបង្ហាញការងារគ្រប់គ្រងចំណីផ្លូវ ៤. បទបង្ហាញការផ្តល់លិខិតអនុញ្ញាតបើកស្នាក់ការសាខាក្រុមហ៊ុនដឹកជញ្ជូន និងការផ្តល់លិខិតអនុញ្ញាតឱ្យយានយន្តធ្វើអាជីវកម្មដឹកជញ្ជូនក្នុងរាជធានី ខេត្ត ៥. បទបង្ហាញការចុះបញ្ជីរថយន្ត រ៉ឺម៉ក សឺមីរ៉ឺម៉ករថយន្តនិងផ្តល់លិខិតអនុញ្ញាតធ្វើអាជីវកម្មយានដ្ឋានជួសជុល កែច្នៃដំឡើងរថយន្ត រ៉ឺម៉ក សឺមីរ៉ឺម៉ក ៦. បទបង្ហាញការផ្តល់បណ្ណបើកបរយានយន្តប្រភេទ “ក” និង “ខ”សម្រាប់ប្រជាពលរដ្ឋខ្មែរ និងការផ្តល់លិខិតអនុញ្ញាតធ្វើអាជីវកម្មសាខាបង្រៀនបើកបរយានយន្ត ជាដើម។ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube