ភ្នំពេញ៖ លោកបណ្ឌិត រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន នាថ្ងៃទី០៩ ខែតុលាឆ្នាំ២០២៣បានអញ្ជើញដឹកនាំ​កិច្ចប្រជុំ​តាមប្រព័ន្ធវីដេអូពីចំងាយជាមួយលោកស្រី ហ្វេត កុងស៊ីឌិន( Faith Considine )លេខាទូតទី២ នៃស្ថានទូតអូស្រ្តាលីប្រចាំនៅកម្ពុជា។ កិច្ចប្រជុំផ្តោតសំខាន់លើកិច្ចសហការរៀបចំយុទ្ធសាស្រ្ត និងពង្រឹងធនធានមនុស្សលើវិស័យប្រព័ន្ធទឹកកខ្វក់ ជាមួយដៃគូអភិវឌ្ឍន៍ភាពជាដៃគូសម្រាប់ហេដ្ឋារចនាសម្ព័ន្ឋ (Partnership for Infrastructure), P4I និង Australia Water Association, AWA ប្រទេសអូស្ត្រាលី ដោយមានការចូលរួមពីថ្នាក់ដឹកនាំក្រសួង និងមន្ត្រីជំនាញពាក់ព័ន្ធ។ លោករដ្ឋលេខាធិការ បានស្នើឱ្យមានកិច្ចប្រជុំជាបន្តបន្ទាប់លើលទ្ធផលនៃកិច្ចពិភាក្សា ដោយកំណត់ពេលវេលា និងរបៀបវារៈតាមរយៈមន្រី្តបង្គោលនៃអគ្គនាយកដ្ឋានប្រព័ន្ធចម្រោះទឹកកខ្វក់៕