អ្នកបើកបរយានយន្តធ្វើចរាចរណ៍នៅលើផ្លូវថ្នល់ ត្រូវដាក់ឯកសារភ្ជាប់តាមខ្លួន រួមមាន ៖ ១. បណ្ណបើកបរយានយន្ត (ច្បាប់ដើម) ២. បណ្ណសម្គាល់យានជំនិះ (អាចប្រើច្បាប់ថតចម្លង | ករណីមិនមាន QR Code តម្រូវបញ្ជាក់ពីស្ថាប័នមានសមត្ថកិច្ច ទើបអាចប្រើជាផ្លូវការបាន) ៣. វិញ្ញាបនបត្រត្រួតពិនិត្យលក្ខណៈបច្ចេកទេសយានជំនិះ (អាចប្រើច្បាប់ថតចម្លង) ៤. សម្រាប់រថយន្តប្រកបអាជីវកម្មដឹកជញ្ជូនទំនិញ ឬ អ្នកដំណើរ ត្រូវភ្ជាប់បន្ថែមលិខិតអនុញ្ញាតឱ្យយានយន្តធ្វើអាជីវកម្មដឹកជញ្ជូន (អាចប្រើច្បាប់ថតចម្លង)