កិច្ចប្រជុំពិភាក្សាប្រមូលធាតុចូលលើសេចក្ដីព្រាងមាតិកា និងកំណត់ទស្សនទានផែនការយុទ្ធសាស្ត្រយុវជនក្នុងបុព្វហេតុជាតិមាតុភូមិ ២០២៣-២០២៧ របស់ ស.ស.យ.ក ដឹកនាំដោយ លោក ឈួន វិន ប្រធានក្រុមការងារ ស.ស.យ.ក ក្នុងវិស័យ ថ្ងៃចន្ទ ១២រោច ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៥ ខែកក្កដា ឆ្នាំ២០២២ លោក ឈួន វិន ប្រធានក្រុមការងារ ស.ស.យ.ក វិស័យសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំផ្ទៃក្នុង ដើម្បីពិនិត្យពិភាក្សាប្រមូលធាតុចូលលើសេចក្ដីព្រាងមាតិកា និងកំណត់ទស្សនទានផែនការយុទ្ធសាស្ត្រយុវជនក្នុងបុព្វហេតុជាតិមាតុភូមិ ២០២៣-២០២៧ របស់ ស.ស.យ.ក ថ្នាក់កណ្ដាល ដោយកិច្ចប្រជុំនេះក៏មានការអញ្ជើញចូលរួមពី លោក លោកស្រី ជាអនុប្រធាន ស.ស.យ.ក ក្នុងវិស័យ និងសមាជិកនៃលេខាធិការដ្ឋាន សរុបចំនួន ១១រូប។ ជាលទ្ធផលអង្គប្រជុំបានពិនិត្យពិភាក្សាយ៉ាងផុលផុស និងឯកភាពលើចំណុចសំខាន់ៗមួយចំនួនដែលត្រូវកែសម្រួល សម្រាប់ដាក់ជូនក្រុមការងាររៀបចំសេចក្ដីព្រាងផែនការយុទ្ធសាស្ត្រ ស.ស.យ.ក ឆ្នាំ ២០២៣-២០២៨។ មានមតិក្នុងកិច្ចប្រជុំនាឱកាសនេះដែរ លោកប្រធានក្រុមការងារ ស.ស.យ.ក ក្នុងវិស័យ បានលើកទឹកចិត្តដល់ប្រធានផ្នែក និងក្រុមជំនាញទាំងអស់ នៃក្រុមការងារ ស.ស.យ.ក វិស័យសាធារណការ និងដឹកជញ្ជូន បន្ដធ្វើបច្ចុប្បន្នភាពសមាជិករបស់ខ្លួន និងជំរុញឱ្យយុវជនចូលជាសមាជិក ស.ស.យ.ក ឱ្យបានគ្រប់ៗគ្នា៕