[PNN] - អភិបាលខេត្តកំពង់ចាម ដឹកនាំក្រុមការងារចុះពិនិត្យការស្ថាបនាផ្លូវក្នុងក្រុងកំពង់ចាម និងស្រុកស្ទឹងត្រង់
2022-04-19
ទៅកាន់ទំព័រចុះផ្សាយក្នុង PNN
អភិបាលខេត្តកំពង់ចាម ដឹកនាំក្រុមការងារចុះពិនិត្យការស្ថាបនាផ្លូវក្នុងក្រុងកំពង់ចាម និងស្រុកស្ទឹងត្រង់
ឯកឧត្តម អ៊ុន ចាន់ដា អភិបាលខេត្តកំពង់ចាម បានចុះពិនិត្យការស្ថាបនាផ្លូវបេតុងមួយចំនួនក្នុងសង្កាត់បឹងកុក ក្រុងកំពង់ចាម ដែលក្នុងនោះផ្លូវបេតុងនៅភូមិឡឥដ្ឋចំនួន២ខ្សែ ប្រវែងសរុប ១៦៥២ម៉ែត្រ ទទឹង៧ម៉ែត្រ ផ្លូវបេតុងក្នុងភូមិថ្មគោលចំនួន២ខ្សែ ខ្សែទី១ ប្រវែង១៩៩ម៉ែត្រ ទទឹង៧ម៉ែត្រ ខ្សែទី២ប្រវែង៦៤៥ម៉ែត្រ ទទឹង៦ម៉ែត្រ ។ បេីគិតជាប្រវែងផ្លូវសរុប ចំនួន២៤៩៦ ម៉ែត្រ ស្មើនឹងក្រឡាផ្ទៃ ចំនួន ១៦,៨២៧ ម៉ែត្រការ៉េ។
ឯកឧត្ដមអភិបាលខេត្ត ក៏បានដឹកនាំក្រុមការងារបន្តចុះពិនិត្យផ្លូវមួយខ្សែទៀត គឺផ្លូវក្រាលកៅស៊ូប្រភេទ DBST ប្រវែង១.៦៦០ម៉ែត្រ ទទឹង៧ម៉ែតស្ថិតនៅក្នុងភូមិព្រែកបារាំង ឃុំព្រែកកក់ ស្រុកស្ទឹងត្រង់ ខេត្តកំពង់ចាម ៕
