ចាប់ពីថ្ងៃទី២១ ដល់ថ្ងៃទី២៥ ខែតុលា ឆ្នាំ២០១៨ លោក គង់​ សុផល​ អគ្គនាយក​រង​ នៃ​អគ្គនាយកដ្ឋាន​ដឹកជញ្ជូនផ្លូវគោក​ បានអមដំណើរ ឯកឧត្តម តូច ចាន់កុសល រដ្ឋលេខាធិការ ក្រសួងសាធារណការ និងដឹកជញ្ជូន អញ្ជើញចូលរួមសមាជ​ពិភពលោកលើកទី២៦ ស្តីពីប្រព័ន្ធដឹកជញ្ជូនវ័យឆ្លាត (The 26th ITS World Congress) ដែលរៀបចំឡើងនៅប្រទេសសិង្ហបុរី។ នេះជាលើកទី១ ដែលសមាជនេះ ធ្វើឡើងក្នុងប្រទេសជាសមាជិកអាស៊ាន។ ដើម្បីរួមចំណែកដោះស្រាយបញ្ហា ដែលកើតចេញពីកំណើនដ៏គំហុគនៃតម្រូវការបម្លាស់ទី របស់ប្រជាជន ប្រព័ន្ធដឹកជញ្ជូនវ័យឆ្លាតបានក្លាយជាប្រធានបទដ៏ចំបង ក្នុងសតវត្សរ៍ទី២១ យើងនេះ។ ឯកឧត្តម តូច ចាន់កុសល ក៏ត្រូវបានឯកឧត្តមប្រធានអង្គប្រជុំ អញ្ជើញឱ្យឡើងថ្លែងសុន្ទរកថានិងពិភាក្សា ក្នុងវេទិកាតុមូលស្តីពីប្រព័ន្ធដឹកជញ្ជូនវ័យឆ្លាតនោះផងដែរ។