ភ្នំពេញ​៖​ ​ក្រសួងសាធារណការ​ ​និង​ដឹកជញ្ជូន​ ​បាន​ដាក់​ឱ្យ​ដំណើរការ​ជា​ផ្លូវការ​នូវ​កម្មវិធី​ថែទាំ​ផ្លូវ​ ​(​ROAD​ ​CARE​ ​Mobile​ ​App​)​ ​ ​នៅ​ព្រឹក​ថ្ងៃទី៤​ ​ខែតុលា​ ​ឆ្នាំ២០១៩នេះ​។​ ​កម្មវិធី​នេះ​ ​ទទួល​បានការ​ឧបត្ថម្ភ​គាំទ្រ​ពី​កម្មវិធី​អភិវឌ្ឍន៍​សហប្រជាជាតិ​ប្រចាំ​កម្ពុជា​ ​(​UNDP​)​ ​ដោយ​ជួយ​បណ្តុះបណ្តាល​មន្ត្រី​បច្ចេកទេស​ក្រសួងសាធារណការ​ពាក់ព័ន្ធ​ទូទាំង​ ​២៥រាជធានី​-​ខេត្ត​ ​ពី​បច្ចេកទេស​វិធីសាស្ត្រ​ជួសជុល​ ​និង​ថែទាំ​ផ្លូវថ្នល់​។​កម្មវិធី​ថែទាំ​ផ្លូវ​ ​(​ROAD​ ​CARE​ ​Mobile​ ​App​)​ ​ជា​ការចូលរួម​ចំណែក​ក្នុង​ការ​ពង្រឹង​សុវត្ថិភាព​ចរាចរណ៍​ផ្លូវគោក​ក្នុង​ប្រទេស​កម្ពុជា​។​ ​កិច្ចសហការ​គាំទ្រ​នេះ​ ​ស្ថិត​ក្រោម​គំនិត​ផ្តួចផ្តើម​រួមគ្នា​ដែល​មានឈ្មោះ​ថា​ ​“​Sustainable​ ​Urban​ ​Mobility​ ​for​ ​All​ ​Initiative​ ​(​SUMAI​)​”​ ​ដែល​ជា​គម្រោង​រយៈពេល​ ​៣ឆ្នាំ​ ​របស់​ ​UNDP​ ​និង​ក្រុមហ៊ុន​ដឹកជញ្ជូន​ ​GRAB​ ​គាំទ្រ​ដោយ​ក្រសួងសាធារណការ​ ​និង​ដឹកជញ្ជូន​ ​ដើម្បី​ធានា​ការគ្រប់គ្រង​សុវត្ថិភាព​ចរាចរណ៍​ឱ្យ​កាន់តែ​ប្រសើរ​ឡើង​ ​និង​ការ​ដឹកជញ្ជូន​ប្រកបដោយ​ចីរភាព​សម្រាប់​ទាំងអស់គ្នា​។​ ​ ​យុទ្ធនាការ​បណ្តុះបណ្តាល​នេះ​ ​នឹងអាច​ឱ្យ​មន្ត្រី​បច្ចេកទេស​ពាក់ព័ន្ធ​នៅ​គ្រប់​មន្ទីរ​សាធារណការ​ ​និង​ ​(​ROAD​ ​CARE​ ​MobileApp​)​ ​ងាយស្រួល​ក្នុង​ការ​ឆ្លើយតប​ ​ទំនាក់ទំនង​ទៅកាន់​ប្រជាពលរដ្ឋ​ ​ដែល​បាន​រាយការណ៍​ដោយ​ផ្ទាល់​ពី​ស្ថានភាព​គ្រលុក​សំបុក​មាន់​ ​ដើម្បី​ធ្វើការ​ជួសជុល​បាន​ទាន់ពេល​វេលា​ ​កាត់បន្ថយ​គ្រោះថ្នាក់​ចរាចរណ៍​។​ ​ ​សូម​បញ្ជាក់​ថា​ ​បេសកកម្ម​មួយ​នេះ​ ​ផ្តោត​ចំបង​ក្នុង​ការ​កសាង​ ​និង​ថែទាំ​ផ្លូវថ្នល់​ ​ឱ្យ​មាន​លក្ខណៈ​ល្អ​ប្រសើរ​សម្រាប់​ប្រជាពលរដ្ឋ​ ​លុបបំបាត់​ផ្លូវ​ខូច​ ​និង​គ្រលុក​សំបុក​មាន់​តាម​ដងផ្លូវ​នានា​ ​ក្នុង​រាជធានី​-​ខេត្ត​ព្រមទាំង​បង្កើន​សុវត្ថិភាព​ចរាចរណ៍​ ​ក្នុង​ការ​អភិវឌ្ឍ​ប្រព័ន្ធ​ហេដ្ឋារចនាសម្ព័ន្ធ​ដឹកជញ្ជូន​ ​ក្នុង​ប្រទេស​កម្ពុជា​។​​ក្រសួង​ ​ក៏បាន​សំណូមពរ​ដល់​អង្គភាព​ពាក់ព័ន្ធ​ទាំងអស់​ ​ឱ្យ​យកចិត្ត​ទុកដាក់​ពង្រឹងគុណភាព​ ​ក្នុង​ការសាងសង់​ ​ជួសជុល​ ​និង​ថែទាំ​ផ្លូវ​ ​ចុះ​ត្រួតពិនិត្យ​នូវ​ស្ថានភាព​ផ្លូវថ្នល់​ឱ្យ​បាន​ញឹកញាប់​ ​និង​ចាត់វិធានការ​ដោះស្រាយ​បញ្ហា​ផ្លូវ​ខូច​ ​ឱ្យ​បាន​ទាន់ពេល​វេលា​ ​ថែមទាំង​ចូលរួម​ទប់ស្កាត់​ការ​ដឹកជញ្ជូន​លើស​ទម្ងន់​កម្រិត​កំណត់​ ​ដែល​ជា​មូលហេតុ​ធ្វើ​ឱ្យ​ផ្លូវថ្នល់​ទទួលរង​ការខូចខាត​ ​មុន​អាយុកាល​។​ ​ ​ម្យ៉ាងវិញទៀត​ ​ក្រសួងសាធារណការ​ ​និង​ដឹកជញ្ជូន​ ​បាន​លើកទឹកចិត្ត​ឱ្យ​ប្រជាពលរដ្ឋ​ធ្វើការ​រាយការណ៍​ពី​គ្រលុក​សំបុក​មាន់​ ​តាមរយៈ​កម្មវិធី​ថែទាំ​ផ្លូវ​ ​ROAD​ ​CARE​ ​Mobile​ ​App​ ​ព្រមទាំង​រាយការណ៍​ពី​ករណី​ការរំលោភ​បំពាន​លើ​ចំណី​ផ្លូវ​ ​មាន​ដូចជា​ការ​ចាក់​ដី​ខ្ពស់​ជាង​ថ្នល់​ ​សាងសង់​ផ្ទះ​ ​ឬ​ប្រកប​អាជីវ​កម្ម​ផ្សេង​ៗ​ ​ដែល​បំពាន​លើ​ចំណី​ផ្លូវ​ផង​ដែរ​៕​