ភ្នំពេញ៖កាលពីព្រឹកថ្ងៃទី១៩ ខែកញ្ញា ឆ្នាំ២០១៩នេះ លោកថេង សុថុល អភិបាលខណ្ឌចំការមន បានចុះពិនិត្យរាល់សកម្មភាព ធ្វើផ្លាកលេខម៉ូតូ និងផ្ដល់ផ្លាកលេខម៉ូតូ ជូនប្រជាជន ខណៈពេលពួកគាត់មកទទួល នូវសេវាផ្នែកវិស័យសាធារណការខណ្ឌ នៅការិយាល័យច្រកចេញចូលតែមួយខណ្ឌចំការមន ដែលទទួលបានផ្លាកល្អ គឺលេខពិសេសការ៉េ៨៨៨៨ ។ ជាមួយគ្នានេះលោកអភិបាលខណ្ឌចំការមន ថេង សុថុល បានលើកឡើងដោយសង្កត់ថា នាសព្វថ្ងៃនេះ រដ្ឋបាលខណ្ឌចំការមន​បានយកចិត្តទុកដាក់ខ្ពស់លើការងារផ្ដល់ផ្លាកលេខម៉ូតូ ជូនប្រជាជននៅពេលពួកគាត់ មកទទួលសេវាវិស័យសាធារណការ នៅច្រកចេញចូលតែមួយខណ្ឌចំការមន ដោយធ្វើជូនពួកគាត់មានភាពរហ័សទាន់ចិត្ត មានតម្លាភាពហើយមន្រ្តីជំនាញ ក្នុងការផ្ដល់សេវានេះ ប្រកបដោយភាពរួសរាយរាក់ទាក់។ លោកថេង សុថុល អភិបាលខណ្ឌចំការមន បានអោយដឹងទៀតថា នាសព្វថ្ងៃនេះនៅសាលាខណ្ឌចំការមន ដែលមានទីតាំងនៅកោះពេជ្រនោះ ដោយមានបងប្អូនប្រជាជន គាត់មកទទួលសេវានៅការិយាល័យច្រកចេញ ចូលតែមួយខណ្ឌចំការមន លើវិស័យសាធារណការ ក្នុងការធ្វើផ្លាកលេខម៉ូតូ ពួកគាត់នោះយ៉ាងហោចណាស់ ក៏មានម៉ូតូចាប់ពី៧ទៅដល់១០គ្រឿងម៉ូតូ ក្នុងមួយៗថ្ងៃនេះ។ ហើយក្នុងនោះរដ្ឋបាលខណ្ឌចំការមន ក៏ចូលរួមអបអរសាទរ ដល់បងប្អូនប្រជាជន ដែលបានមកទទួលនូវសេវានៅការិយាល័យច្រកចេញ ចូលតែមួយខណ្ឌចំការមន លើវិស័យធ្វើផ្លាកលេខម៉ូតូកង់បី ដោយទទួលបានផ្លាកលេខម៉ូតូការ៉េ៨ គឺភ្នំពេញ 1HX ៨៨៨៨ តម្លៃផ្លាកលេខម៉ូតូមួយគ្រឿងជាង៤ម៉ឺនរៀលតែប៉ុណ្ណោះ។ លោកអភិបាលខណ្ឌចំការមន បានអោយដឹងទៀតថា នៅពេលបងប្អូនដែលទើបទិញម៉ូតូថ្មីៗ ហើយចង់មកធ្វើផ្លាកលេខម៉ូតូប្រើប្រាស់ នៅសាលាខណ្ឌចំការមន រាជធានីភ្នំពេញនោះ ដោយមានមន្រ្តីផ្នែកជំនាញនៅការិយាល័យខាងលើនោះ នៅរង់ចាំធ្វើផ្លាកលេខម៉ូតូជូនរៀងរាល់ម៉ោងធ្វើការងារ លើកលែងតែថ្ងៃឈប់សម្រាកការងារ នាចុងសប្ដាហ៍គឺថ្ងៃសៅរ៍ និងអាទិត្យ។ ជាមួយគ្នានេះដែរ លោកថេង សុថុល អភិបាលខណ្ឌចំការមន បានធ្វើការណែនាំទៅដល់កូនចៅ ដែលជាមន្រ្តីនៅក្រោមឱវាទអោយយកចិត្តទុកដាក់ខ្ពស់ លើការងារនេះ ហើយត្រូវមានសុជីវធម៌ ដោយសំដីសំដៅនិយាយស្ដីអោយសមរម្យ ជាមួយបងប្អូនប្រជាជន នៅពេលគាត់មកទំនាក់ទំនង ការងារធ្វើផ្លាកលេខម៉ូតូនៅសាលាខណ្ឌចំការមន នាសព្វថ្ងៃនេះផងដែរ៕