ការជួសជុលថែទាំស្ពានបេឡេតិ៍(ស្ពានពុទ្រា) ដើម្បីធានាសុខសុវត្ថិភាពដល់ការធ្វើដំណើរឆ្លងកាត់របស់បងប្អូនប្រជាពលរដ្ឋ --- សកម្មភាពការងារ ថែទាំស្ពានបេឡេតិ៍ (ស្ពានពុទ្រា) ដែលមន្ទីរសាធារណការ និងដឹកជញ្ជូនខេត្តព្រះវិហារ កំពុងយកចិត្តទុកដាក់ ដើម្បីធានាសុខសុវត្ថិភាពដល់ការធ្វើដំណើរឆ្លងកាត់របស់បងប្អូនប្រជាពលរដ្ឋដែលបានចរាចរកាត់ស្ពានខាងលើ។ ក្រុមការងារ មន្ទីរសាធារណការ និងដឹកជញ្ជូនខេត្តព្រះវិហារ បានបញ្ចប់ការជួសជុលថែទាំស្ពានបេឡេតិ៍(ស្ពានពុទ្រា) ដែលមានប្រវែង ១៤៤ម៉ែត្រ នៅលើផ្លូវជាតិលេខ ៩៥ គ.ម ៤២+០០០ ស្ថិតនៅព្រំប្រទល់ស្រុករវៀង-ជ័យសែន នៃខេត្តព្រះវិហារ។ ដោយក្រុមការងារ បានចុះវាយបញ្ចូលអ័ក្សស្ពានបន្ថែម ព្រមទាំងផ្សារដែកកម្រាលស្ពានឡើងវិញផងដែរ។ សូមបញ្ជាក់ថាស្ពាននេះជាប្រភេទបេឡេតិ៍ កម្រាលដែក ដែលមានសភាពចាស់ទ្រុឌទ្រោមខ្លាំងណាស់។ សូមពុកម៉ែ បងប្អូន ប្រជាពលរដ្ឋ កុំដឹកជញ្ជូនលើសទម្ងន់កំរឹតកំណត់ និងចូលរួមគោរពច្បាប់ស្តីពីចរាចរណ៍ផ្លូវគោកទាំងអស់គ្នា។