ភ្នំពេញ៖សហព័ន្ធកីឡាហែលទឹកអាស៊ីអាគ្នេយ៍ (SEASF)បានអនុញ្ញាតឱ្យសហព័ន្ធខ្មែរកីឡាហែលទឹករៀបចំការប្រកួតកីឡាហែលទឹកជ្រើសរើជើងឯកយុវជនអាស៊ីអាគ្នេយ៍ លើកទី៤៣ ឆ្នាំ២០១៩ (43rd South East Asian Age Group Swimming Championships 2019) ដែលប្រព្រឹត្តទៅចាប់ពីថ្ងៃទី២៨-៣០ ខែមិថុនាឆ្នាំ២០១៩ នៅអាងហែលទឹក នៃពហុកីឡដ្ឋានជាតិមរតកតេជោ រាជធានីភ្នំពេញ ។នេះជាព្រឹត្តកាលក្ខណៈអន្តរជាតិ លើកដំបូងរបស់សហព័ន្ធខ្មែរកីឡាហែលទឹកក្រោយពីខកខានការៀបចំតាំងពីឆ្នាំ១៩៦៦ដែលពេលនោះ កម្ពុជាទទួលធ្វើជាម្ចាស់ផ្ទះកីឡា Games Ganefo អាស៊ីលើកទី១ ។ គោលបំណង៖ ការរៀបចំប្រកួតប្រកួតកីឡាហែលទឹក ជ្រើសរើសជើងឯកយុវជនអាស៊ីអាគ្នេយ៍ លើកទី៤៣ ឆ្នាំ២០១៩(43rd South East Asian Age Group Swimming Championships 2019) មានគោលបំណងដូចខាងក្រោម៖ ១-)ចង់ឱ្យបណ្តាប្រទេសនៅក្នុងអាស៊ីអាគ្នេយ៍មើលឃើញពីការរីកចម្រើននៅក្នុងព្រះរាជាណាចក្រកម្ពុជានាពេលបច្ចុប្បន្នក៏ដូចជាការីកចម្រើននៅលើវិស័យកីឡាផងដែរ ក្រោមការដឹកនាំរបស់រាជរដ្ឋាភិបាល ដែលមានសម្តេចតេជោជាប្រមុខ ។២-)ចង់សិក្សាស្វែងយល់ និងដកស្រង់បទពិសោធន៍ទាំងចំណុចខ្លាំង និងចំណុចខ្វះខាតដើម្បីត្រៀមលក្ខណៈសម្បត្តិ សម្រាប់ការរៀបចំកីឡាស៊ីហ្គេមលើកទី៣២ ឆ្នាំ២០២៣ដែលកម្ពុជាទទួលធ្វើជាម្ចាស់ផ្ទះ ។ ប្រទេសចូលរួមក្នុងការប្រកួត៖ការប្រកួតកីឡាហែលទឹកជ្រើសរើសជើងឯកយុវជនអាស៊ីអាគ្នេយ៍ លើកទី៤៣ ឆ្នាំ២០១៩ (43rd South East Asian Age Group Swimming Championships 2019)មានការចូលរួមពីបណ្តាប្រទេសចំនួន ១០ នៅក្នុងអាស៊ីអាគ្នេយ៍ ដូចខាងក្រោម ៖ ១.ប្រទេសភីលីពីន មានប្រតិភូចូលរួមសរុបចំនួន ៨៩នាក់ ២.ប្រទេសសឹង្ហបុរី មានប្រតិភូចូលរួមសរុបចំនួន ៨២នាក់ ៣.ប្រទេសថៃ មានប្រតិភូចូលរួមសរុបចំនួន ៨៥នាក់ ៤.ប្រទេសវៀតណាម មានប្រតិភូចូលរួមសរុបចំនួន ៤៥នាក់ ៥.ប្រទេសម៉ាឡស៊ី មានប្រតិភូចូលរួមសុរបចំនួន ៣៣នាក់ ៦.ប្រទេសឥណ្ឌូនេស៊ី មានប្រតិភូចូលរួមសុរបចំនួន ២៨នាក់ ៧.ប្រទេសប្រ៊ុយណេ មានប្រតិភូចូលរួមសរុបចំនួន ១២នាក់ ៨.ប្រទេសមីយ៉ាន់ម៉ា មានប្រតិភូចូលរួមសរុបចំនួន ០៤នាក់ ៩.ប្រទេសឡាវ មានប្រតិភូចូលរួមសរុបចំនួន ០៩នាក់ ១០.ប្រទេសកម្ពុជា មានប្រតិភូចូលរួមសរុបចំនួន ២៥នាក់ ចំនួនប្រតិភូ គ្រូបង្វឹក កីឡាករ កីឡាការិនី និងអាណាព្យាបាល ចូលរួមសរុបទាំងអស់ចំនួន ៤០៨ នាក់ ក្នុងនោះ កីឡាករ ១៦៨ នាក់ កីឡាការិនី ១៤៩ នាក់ គ្រូបង្វឹក ៧៨ នាក់ និងអាណាព្យាបាល ១៣នាក់។ វិញ្ញាសាប្រកួត ៖ចំនួនវិញ្ញាសាប្រកួតសរុបទាំងអស់ចំនួន ១០៥ វិញ្ញាសា រួមមាន៖ក្រុមទី១ អាយុក្រោម១៣ឆ្នាំ មានចំនួន កីឡាករ ១៦ វិញ្ញាសា និងកីឡាការិនី ១៦ វិញ្ញាសា,ក្រុមទី២ អាយុចាប់ពី ១៤-១៥ឆ្នាំ សម្រាប់កីឡាករ ១៦ វិញ្ញាសា កីឡាការិនី ១៦ វិញ្ញាសា និងវិញ្ញាសាជាក្រុមមានចំនួន ៩ វិញ្ញាសា,ក្រុមទី៣ អាយុចាប់ពី ១៦-១៨ឆ្នាំ សម្រាប់កីឡាករ ១៦ វិញ្ញាសា និងកីឡាការិនី ១៦ វិញ្ញាសា។ មន្ត្រីគណៈកម្មការ និងភាគីពាក់ព័ន្ធ៖ការប្រកួតនេះមានវត្តមានមន្ត្រីគណៈកម្មការបច្ចេកទេសអន្តរជាតិចំនួន ១៥នាក់ មន្រ្តីគណៈកម្មការបច្ចេកទេសកម្ពុជាចំនួន ១០០នាក់ រួមទាំងមន្ត្រីសុខាភិបាល មន្រ្តីសន្តិសុខសណ្តាប់ធ្នាប់ អ្នកសារព័ត៌មាន និងទូរទស្សន៍ ចូលរួមផងដែរ ។ការប្រកួតកីឡាហែលទឹក ជ្រើសរើសជើងឯកយុវជនអាស៊ីអាគ្នេយ៍ លើកទី៤៣ ឆ្នាំ២០១៩នេះ ប្រព្រឹត្តទៅ ដោយបានទទួលការឧបត្ថម្ភពីក្រសួងសាធារណការនិងដឹកជញ្ជូន និងចូលរួមសហការពីក្រុមហ៊ុន ខ្មែរប្រ៊ូវើរី គ្រុប ក្រសួងអប់រំ យុវជន និងកីឡា សាលារាជធានីភ្នំពេញ មន្ទីរអប់រំ យុវជន និងកីឡារាជធានីភ្នំពេញ វិទ្យាស្ថានជាតិអប់រំកាយ និងកីឡា សហព័ន្ធសហភាពយុវជនកម្ពុជា គណៈកម្មាធិការជាតិអូឡាំពិកកម្ពុជា ក្រសួងសុខាភិបាល ក្រសួងមហាផ្ទៃ រួមទាំងគណៈកម្មការបច្ចេកទេសរបស់សហព័ន្ធ ។ ក្លឹបហែលទឹកក្នុងប្រទេសកម្ពុជា៖ នាពេលបច្ចុប្បន្ន ក្លឹបហែលទឹក មានចំនួន ៨ ក្លឹប មកពីបណ្តាស្ថាប័ននានា រួមមាន ១. ក្លឹបហែលទឹកក្រសួងសាធារណការ និង ដឹកជញ្ជូន ២. ក្លឹបក្រសួងសេដ្ឋកិច្ច និង ហិរញ្ញវត្ថុ ៣. ក្លឹបក្រសួងមហាផ្ទៃ ៤. ក្លឹបក្រសួងព័ត៌មាន ៥. ក្លឹបនាគរាជកំពង់ចាម ៦. ក្លឹបសាលាខេនវីដអន្តរជាតិ ៧. ក្លឹបមច្ឆានុប និង ៨. ក្លឹបប៉ារ៉ាឡាំពិកកម្ពុជា ។ អាងហែលទឹក៖ មានចំនួន ៥ កន្លែង គឺ ១. អាងហែលទឹកតេជោ កំពង់ចាម ២. អាងហែលទឹក នៃពហុកីឡដ្ឋានជាតិ មរតកតេជោ ភ្នំពេញ ៣. អាងហែលទឹក ស្តាតអូឡាំពិក ៤. អាងហែលទឹក កោះធំ (កំពុងសាងសង់) និង ៥. អាហែលទឹក នៅខេត្តបាត់ដំបង (កំពុងសាងសង់) ។