ភ្នំពេញៈ ក្រសួងសាធារណការ និងដឹកជញ្ជូន នឹងដាក់ដេញថ្លៃជាសាធារណៈ ដើម្បីជ្រើសរើស អ្នកផ្គត់ផ្គង់ប្រេងឥន្ធនៈ សម្រាប់ប្រើប្រាស់ប្រចាំឆ្នាំ២០១៩ ដើម្បីដំណើរការរដ្ឋបាល របស់ក្រសួង។ យោងតាមសេចក្ដីជូនដំណឹង របស់ក្រសួងសាធារណការ នៅថ្ងៃទី១៨ ខែមិថុនា ឆ្នាំ២០១៩នេះ បានឲ្យដឹងថា “ក្រសួងសាធារណការ បានរៀបចំឯកសារ សម្រាប់ក្រុមហ៊ុន សហគ្រាសបំពេញ ដើម្បីចូលរួមដេញថ្លៃ និងមានដាក់លក់នៅ អង្គភាពលទ្ធកម្ម ក្រសួងសាធារណការ និងដឹកជញ្ជូន ដែលមានអាសយដ្ឋាន នៅអគារមហាវិថីព្រះនរោត្តម សង្កាត់វត្តភ្នំ ខណ្ឌដូនពេញ ចាប់ពីថ្ងៃទី១៧ ខែមិថុនា ឆ្នាំ២០១៩តទៅ រៀងរាល់ម៉ោងធ្វើការ លេខទូរសព្ទទំនាក់ទំនង ០១២ ៣៨២ ៩៩៥"៕