ភ្នំពេញ៖ ព្រឹកថ្ងៃទី២៣ ខែឧសភា ឆ្នាំ២០១៩ អភិបាលរាជធានីភ្នំពេញ លោក ឃួង ស្រេង និងលោកបណ្ឌិត អ៊ីតូមិមប៉េអ៊ិ (Dr. lto Minpei) ប្រធានដឹកនាំក្រុមការងារ ត្រៀមការសិក្សាស្រាវជ្រាវទីភ្នាក់ងារ សហប្រតិបត្តិការអន្ដរជាតិជប៉ុន JICA (ប្រទេសជប៉ុន) បានចុះហត្ថលេខា ជាមួយទីភ្នាក់ងារសហប្រតិបត្តិការអន្តរជាតិជប៉ុន JICA លើគម្រោងអភិវឌ្ឍន៍ប្រព័ន្ធប្រឡាយលូទឹកកខ្វក់ នៅបឹងជើងឯក ក្រោយពីសិក្សាស្រាវជ្រាវ អស់រយៈពេល១២ខែបានបញ្ចប់ ។ បើតាមប្រសាសន៍របស់លោកអភិបាលរាជធានីភ្នំពេញ គម្រោងអភិវិឌ្ឍន៍ប្រព័ន្ធប្រឡាយលូ ទឹកកខ្វក់នៅបឹងជើងឯក នឹងត្រូវក្លាយជាគម្រោងគំរូដំបូងបង្អស់ សម្រាប់រដ្ឋបាលរាជធានីភ្នំពេញ លើការកែឆ្នៃទឹកកខ្វក់ ក្នុងបរិមាណ៥,០០០ម៉ែត្រគូប/ថ្ងៃ ដែលមានតួនាទីសំខាន់ក្នុងការកាត់បន្ថយ ការបំពុលបរិស្ថានមួយកម្រិតធំ នៅភាគខាងជើងនៃរាជធានីភ្នំពេញ។ លោកសង្ឃឹមថា គម្រោងនេះនឹងត្រូវបានអនុម័តជាផ្លូវការ ពីរាជរដ្ឋាភិបាលជប៉ុននាពេលឆាប់ៗខាងមុខនេះ ។ ជាមួយគ្នានេះលោកបណ្ឌិត lto Minpei បានលើកឡើងថា ជាតិពុលដែលហូរចូល ទៅក្នុងទន្លេបឹងបួរ ធ្វើឲ្យប៉ះពាល់ដល់បរិស្ថាន និងសុខភាពប្រជាពលរ និងសត្វយ៉ាងខ្លាំង ។ តាមលទ្ធផលនៃការស្រាវជ្រាវ ការស្តារបរិស្ថានឡើងវិញ គឺត្រូវចំណាយថវិកាច្រើនលើសពីការវិនិយោគ ។ បញ្ហានេះ ចំណុចសំខាន់យើងត្រូវធ្វើប្រព័ន្ធលូបង្ហូរទឹក នៅតំណាក់កាលបឋម ដើម្បីទប់ទល់ការចំណាយច្រើននេះ ។ក្រៅពីការអភិវឌ្ឍផ្នែកខាងត្បូង ហើយផ្នែកខាងជើង យើងក៏នឹងចូលរួមធ្វើការអភិវឌ្ឍន៍ផងដែរ។ លោកបណ្ឌិត lto Minpei បានបញ្ជាក់ថា ក្រោយការចុះហត្ថលេខា លើគម្រោងអភិវឌ្ឍន៍ប្រព័ន្ធប្រឡាយលូទឹកកខ្វក់ នៅបឹងជើងឯកនេះរួច លោកនឹងបញ្ជូនទៅឲ្យរាជរដ្ឋាភិបាលជប៉ុន ដើម្បីធ្វើការអនុម័តចុងក្រោយ ៕