[Anarchak] - ល្អណាស់! ស្ពានជ្រោយចង្វារអាចនឹងបើកឲ្យពលរដ្ឋធ្វើដំណើរនៅថ្ងៃបុណ្យចូលឆ្នាំខ្មែរ
2019-03-02
ទៅកាន់ទំព័រចុះផ្សាយក្នុង Anarchak
ស្ពានជ្រោយចង្វារ ១ ដែលជាស្ពានមិត្តភាព កម្ពុជា-ជប៉ុន ដែលត្រូវបានជប៉ុនទទួលខុសត្រូវសាងសង់ទាំងថ្ងៃយប់និងប្រើបច្ចេកវិទ្យាទំនើបចុងក្រោយជួយដល់ស្ពានឲ្យរឹងមាំនិងមិនប៉ះពាល់បរិស្ថាន ពេលនេះខាងក្រសួងសាធារណការនិងដឹកជញ្ជូនបានបង្ហោះសារលើទំព័រហ្វេសប៊ុករបស់ខ្លួនថា ស្ពាននេះនឹងបើកឲ្យពលរដ្ឋធ្វើដំណើរនៅថ្ងៃបុណ្យចូលឆ្នាំប្រពៃណីខ្មែរខាងខែមេសាខាងមុខ ដើម្បីសម្រួលកុំឲ្យមានការកកស្ទះចរាចរណ៍។នេះជាដំណឹងដ៏ល្អមួយសម្រាប់ពលរដ្ឋកម្ពុជា ពិសេសអ្នកដែលត្រូវឆ្លងកាត់ស្ពានជ្រោយចង្វារពេលទៅលេងស្រុកកំណើតនារដូវចូលឆ្នាំ ដោយបច្ចុប្បន្នប្រើបានតែស្ពានជ្រោយចង្វារ ២ ដែលជាអំណោយរបស់រដ្ឋាភិបាលចិន។
រយៈពេលនៃការជួសជុលស្ពាន ជប៉ុនបានប្រើកម្ទេចដែកអ៊ីណុក ដើម្បីបោសសម្អាតកំបោរចាស់ចេញ ហើយកាកសំណល់កំបោរចាស់ៗនិងកម្ទេចដែក ត្រូវបូមចូលគ្នានិងបែងចែកដោយស្វ័យប្រវត្តិ។ ចំពោះសំណល់កំបោរចាស់ ត្រូវហូរចូលក្នុងធុងសំណល់ រីឯកម្ទេចដែកត្រូវចូលក្នុងធុងស្តុក ដើម្បីអាចយកទៅប្រើប្រាស់ឡើងវិញ។តាមការបញ្ជាក់ពីស្ថានទូតជប៉ុនប្រចាំប្រទេសកម្ពុជា ការប្រើវិធីនេះនឹងមិនធ្វើឲ្យកាកសំណល់កំបោរចាស់ៗ ធ្លាក់ចូលក្នុងទឹកប៉ុណ្ណោះទេ ថែមទាំងអាចលាបថ្នាំស្ពានបានស្អាតដោយមិនឲ្យទឹកជ្រាបធ្វើឲ្យស្ពានច្រែះឡើយ៕
