ប្រជុំពិភាក្សាត្រៀមរៀបចំខួបលើកទី១០៨ ទិវានារីអន្តរជាតិ ៨ មីនា ថ្ងៃទី៨រោច ខែមាឃ ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី២៨ ខែកុម្ភៈ ឆ្នាំ២០១៩ មានកិច្ចប្រជុំស្តីពីការត្រៀមរៀបចំពិធីសំណេះសំណាលខួបលើកទី១០៨ ទិវានារីអន្តរជាតិ ៨ មីនា ក្រោមអធិបតីភាពលោកជំទាវ មឹន មាណវី រដ្ឋលេខាធិការក្រសួងសាធារណការ និងដឹកជញ្ជូន ដោយមានតំណាងនារី មកពីគ្រប់ អគ្គនាយកដ្ឋាន នាយកដ្ឋាន ក្រោមឱវាទក្រសួង ចូលរួម។ កិច្ចប្រជុំនេះបានពិភាក្សាអំពីការរៀបចំនូវរបៀបវារ: សន្ទរកថា វត្ថុអនុស្សាវរីយ៍ ព្រមទាំងស្នើសុំឱ្យ គ្រប់នាយកដ្ឋាន អគ្គនាយកដ្ឋាន រៀបចំ និងធ្វើជំរឿនស្ថិតិមន្ត្រីរាជការជានារី ព្រមទាំង រៀបចំកែសម្រួល នូវរចនាសម្ព័ន្ធសមាគមន៍នារីកម្ពុជាដើម្បីសន្តិភាពនិងអភិវឌ្ឍន៍ តាមនាយកដ្ឋាន អគ្គនាយកដ្ឋាន ឡើងវិញ។