ក្រុងព្រះសីហនុ៖ បញ្ហាទឹកល្អុយ ទឹកកខ្វក់ដែលកំពុងបង្ហូរចូលទៅក្នុងទឹកសមុទ្រដោយផ្ទាល់ កំពុងទទួលការរិះគន់ពីសំណាក់បងប្អូនប្រជាពលរដ្ឋកម្ពុជាយ៉ាងខ្លាំង ព្រោះវាប៉ះពាល់ដល់បរិស្ថាន និងសោភណ្ឌភាព ​ព្រោះជាទឹក​ដី​ខេត្ត​ជាប់​ឆ្នេរ​សមុទ្រ ដែល​ជាប់​ជា​សមាជិក​ក្លឹប​ស្អាត​បំផុត​នៅ​លើ​សកលលោក ហើយក៏​ត្រូវ​រដ្ឋាភិបាល​ប្រសិទ្ធិនាម​ថា​ជា​តារា​រះ​នា​ទិស​និរតីផងដែរនោះ។ ទោះជាយ៉ាងណា អភិបាលក្រុងព្រះសីហនុ លោក អុី សុខឡេង សរសេរក្នុងហ្វេសប៊ុក ផ្លូវការរបស់លោកដោយបញ្ជាក់ថា ស្ថានីយបូមទឹកកខ្វក់ ( ទឹកស្អុយ )ក្នុងក្រុងព្រះសីហនុ កុំឲ្យហូរចូលសមុទ្រ ចំនួន ៤ទីតាំង កំពុងត្រូវបានសាងសង់ទាំងថ្ងៃ ទាំងយប់ តាមបណ្តោយឆ្នេរចាប់ពីឆ្នេរឯករាជ្យ រហូតដល់ឆ្នេរអូរឈើទាល ដោយចាប់ផ្តើមសាងសង់សាង ៣ខែមកហើយ។