[pressnews] - រំភើប! អនាគតខាងមុខ ពលរដ្ឋអាចជិះរថភ្លើងល្បឿនលឿនពីភ្នំពេញទៅសៀមរាប ប៉ោយប៉ែតនិងបាវិត
2018-11-28
ទៅកាន់ទំព័រចុះផ្សាយក្នុង pressnews
រដ្ឋាភិបាលកម្ពុជាកំពុងតែពិចារណាលើលទ្ធភាពសាសង់រថភ្លើងល្បឿនលឿនស្តង់ដារអន្តរជាតិពីរាជធានីភ្នំពេញ ឆ្ពោះទៅកាន់ខេត្តសៀមរាប ក្រុងប៉ោយប៉ែតខេត្តបន្ទាយមានជ័យ និងក្រុងបាវិត ខេត្តស្វាយរៀង។ នេះបើតាមប្រសាសន៍របស់រដ្ឋមន្រ្តីក្រសួងសាធារណការលោក ។រដ្ឋមន្រ្តីដ៏មានប្រជាប្រិយភាពរូបនេះ បន្ថែមថា បច្ចុប្បន្នមានក្រុមហ៊ុនឯកជនចាប់អារម្មណ៍លើគម្រោងរថភ្លើងល្បឿនលឿននេះ ហើយក៏កំពុងសិក្សាពីលទ្ធភាពដែលអាចឲ្យគម្រោងនេះទទួលបានជោគជ័យដូចការគ្រោងទុកផងដែរ។ ក្រោយការសិក្សារួចរាល់ នោះកម្ពុជាអាចមានរថភ្លើងពីរខ្សែ ដោយមួួយខ្សែរត់ពីភ្នំពេញទៅសៀមរាបនិងបន្តទៅក្រុងប៉ោយប៉ែត និងមួយខ្សែទៀតរត់ពីភ្នំពេញត្រង់ទៅក្រុងបាវិតតែម្តង។ដើម្បីអាចសាងសង់ផ្លូវរថភ្លើងស្តង់ដារអន្តរជាតិល្បឿនលឿន កម្ពុជាគប្បីមានផ្លូវរថភ្លើងទទឹងទំហំ ១,៤៣៥ម៉ែត្រនិងល្បឿនពី ១០០ ទៅ ២០០ គីឡូម៉ែត្រក្នុងមួយម៉ោង ខណៈបច្ចុប្បន្នមានទំហំត្រឹមតែ ១ម៉ែត្រនិងល្បឿនតែ ៦០ គីឡូម៉ែត្រក្នុងមួយម៉ោងប៉ុណ្ណោះ។ ម្យ៉ាងទៀតរដ្ឋាភិបាលនឹងឯកភាពជាមួយនឹងក្រុមហ៊ុនឯកជន បើការសាងសង់ផ្លូវរថភ្លើងជាលក្ខណៈ BOT ដែលមានន័យថាដំបូងកម្មសិទ្ធរបស់ក្រុមហ៊ុនឯកជន ហើយក្រោយមកគ្រប់គ្រងដោយរដ្ឋ៕
