វគ្គបណ្តុះបណ្តាល «មេបញ្ជាការផែកម្រិត១» ដើម្បីពង្រឹងចំណេះដឹង និងជំនាញបន្ថែមជូនដល់មន្ត្រីរាជការ នៃអគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ ទីស្តីការក្រសួង៖ នាថ្ងៃចន្ទ ទី៦ ខែកក្កដា ឆ្នាំ២០២៦ ឯកឧត្តម ម៉ក់ ស៊ីដេត អនុរដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញជាអធិបតីពិធីបើកវគ្គបណ្តុះបណ្តាល «មេបញ្ជាការផែកម្រិត១» ដោយមានការអញ្ជើញចូលរួមអមពី លោកអគ្គនាយករង លោកប្រធាននាយកដ្ឋាននាវាជំនួញសមុទ្រ និងលោកប្រធាននាយកដ្ឋានរដ្ឋបាលកំពង់ផែ។ វគ្គបណ្តុះបណ្តាលនេះ រៀបចំឡើងក្នុងគោលបំណងពង្រឹងចំណេះដឹង និងជំនាញបន្ថែមជូនដល់មន្ត្រីរាជការ នៃអគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ សរុបចំនួន ៣៦រូប។ វគ្គសិក្សានេះ ធ្វើបទបង្ហាញដោយគ្រូឧទ្ទេសនាមចំនួន ០៥រូប អញ្ជើញមកពីអគ្គនាយកដ្ឋាន និងកំពង់ផែស្វយ័តភ្នំពេញ ក្រោមកិច្ចសម្របសម្រួលដោយ លោក ញ៉ែម សារវង្ស អគ្គនាយករង។ ទន្ទឹមនឹងការសិក្សាទ្រឹស្តីនៅក្នុងថ្នាក់រៀន សិក្ខាកាមក៏នឹងមានឱកាសចុះកម្មសិក្សាស្វែងយល់ការងារអនុវត្តជាក់ស្តែង នៅទីតាំងកំពង់ផែផ្ទាល់ផងដែរ៕