សម្រស់ស្ពានមិត្តភាពកម្ពុជា-ចិន មេគង្គក្រចេះ នាថ្ងៃរៀបលិច ទិដ្ឋភាពថ្ងៃរៀបលិច អមដោយពន្លឺពណ៌មាសត្រចះត្រចង់ ចាំងចូលក្នុងទន្លេមេគង្គ ធ្វើឱ្យសម្រស់ស្ពានមិត្តភាពកម្ពុជា-ចិន មេគង្គក្រចេះ កាន់តែស្រស់ស្អាតមួយកម្រិតទៀត។ ស្ពានមិត្តភាពកម្ពុជា-ចិន មេគង្គក្រចេះ ក៏នឹងលើកកម្ពស់ដល់ប្រសិទ្ធភាពនៃវិស័យដឹកជញ្ជូន ពិសេសការដឹកជញ្ជូនទិន្នផលកសិ-ឧស្សាហកម្ម រួមទាំងការតភ្ជាប់វិស័យទេសចរណ៍ពីខេត្តកំពង់ធំ ទៅកាន់ភូមិភាគឦសានបានកាន់តែងាយស្រួលបន្ថែមទៀត។ សូមជម្រាបជូនថា ស្ពានមិត្តភាពកម្ពុជា-ចិន មេគង្គក្រចេះ ជាសំណង់ហេដ្ឋារចនាសម្ព័ន្ធយុទ្ធសាស្ត្រសំខាន់ ក្នុងការតភ្ជាប់ចរាចរណ៍ពីស្រុកចិត្របុរី នៅត្រើយខាងកើត ទៅស្រុកព្រែកប្រសព្វ នៅត្រើយខាងលិចខេត្តក្រចេះ ដែលបានបើកឱ្យប្រជាពលរដ្ឋធ្វើដំណើរឆ្លងកាត់ជាអចិន្ត្រៃយ៍ កាលពីថ្ងៃទី១ មេសា ២០២៦ កន្លងទៅ៕