កិច្ចប្រជុំពិភាក្សាលើការតភ្ជាប់រវាងច្រកព្រំដែនអន្ដរជាតិម៉ឺនជ័យ-តឹនណាម ក្រោមគម្រោងសាងសង់ផ្លូវជាតិលេ៨ ពីស្ពានព្រែកតាមាក់-ពញាក្រែក (ប្រសព្វផ្លូវជាតិលេខ៧) ក្រោមក្របខ័ណ្ឌហិរញ្ញប្បទានពីធនាគារវិនិយោគហេដ្ឋារចនាសម្ព័ន្ធអាស៊ី (AIIB) នាថ្ងៃពុធ ទី១០ ខែមិថុនា ឆ្នាំ២០២៦ ឯកឧត្តម ជា ជុន អនុរដ្ឋលេខាធិការ និងជានាយករងគម្រោង តំណាង ឯកឧត្តម ឈួន វិន រដ្ឋលេខាធិការ និងជានាយកគម្រោង បានជួបប្រជុំពិភាក្សាជាមួយ លោក Thomas Herrero Project Team Leader នៃធនាគារវិនិយោគហេដ្ឋារចនាសម្ព័ន្ធអាស៊ី (AIIB) ទៅលើការតភ្ជាប់រវាងច្រកព្រំដែនអន្ដរជាតិម៉ឺនជ័យ-តឹនណាម ក្រោមគម្រោងសាងសង់ផ្លូវជាតិលេ៨ ពីស្ពានព្រែកតាមាក់-ពញាក្រែក (ប្រសព្វផ្លូវជាតិលេខ៧) និងផ្លូវខ្នែងលេខ៨៨ ក្រោមក្របខ័ណ្ឌហិរញ្ញប្បទានពីធនាគារវិនិយោគហេដ្ឋារចនាសម្ព័ន្ធអាស៊ី (AIIB) ដោយមានការអញ្ជើញចូលរួមពីសំណាក់ ឯកឧត្តមអគ្គនាយកសាធារណការ និងជាប្រធានគ្រប់គ្រងគម្រោង តំណាងក្រសួងការបរទេស និងសហប្រតិបត្តិការអន្ដរជាតិ តំណាងក្រសួងមហាផ្ទៃ និងសមាជិក-សមាជិកានៃគម្រោង។ កិច្ចប្រជុំនេះធ្វើឡើងក្នុងគោលបំណងដើម្បីពិនិត្យ និងពិភាក្សាអំពីសារៈសំខាន់នៃច្រកអន្ដរជាតិម៉ឺនជ័យ-តឹនណាម ដែលជាច្រកព្រំដែនសន្ដិភាព និងមានសារៈសំខាន់សម្រាប់ការតភ្ជាប់សេដ្ឋកិច្ចរវាងព្រះរាជាណាចក្រកម្ពុជា និងសាធារណរដ្ឋប្រជាមានិតវៀតណាម ដែលជាកត្ដាបង្ហាញឱ្យឃើញច្បាស់ពីតម្រូវការក្នុងការអនុវត្តគម្រោងសាងសង់កំណាត់ផ្លូវជាតិលេខ៨ នេះ ក្នុងគោលបំណងលើកកម្ពស់ការតភ្ជាប់ហេដ្ឋារចនាសម្ព័ន្ធដឹកជញ្ជូនឆ្លងកាត់ព្រំដែន។