ក្រុងបាត់ដំបង៖ នាព្រឹកថ្ងៃអង្គារ ទី៩ ខែមិថុនា ឆ្នាំ២០២៦ លោក សល់ សុទត្ត អនុប្រធានមន្ទីរ ទទួលបន្ទុកការងារសុវត្ថិភាពចរាចរណ៍ តំណាងមន្ទីរសាធារណការ និងដឹកជញ្ជូនខេត្តបាត់ដំបង បានដឹកនាំមន្ត្រីក្រោមឱវាទ ចុះផ្សព្វផ្សាយ អប់រំណែនាំ ពីច្បាប់ចរាចរណ៍ផ្លូវគោក ជូនដល់ប្រជាពលរដ្ឋចំនួន ២៩៨នាក់ (ស្រី ៨៧នាក់) នៅត្រង់ចំណុច PK282+740 ភូមិបោះពោធិ៍ ឃុំអូរដំបង ស្រុកសង្កែ ខេត្តបាត់ដំបង ដើម្បីកាត់បន្ថយអត្រាគ្រោះថ្នាក់ចរាចរណ៍ប្រចាំថ្ងៃ ក៏ដូចជាកែប្រែឥរិយាបថអ្នកប្រើប្រាស់ផ្លូវឱ្យចូលរួមគោរពច្បាប់ចរាចរណ៍ផ្លូវគោក និងចែកជូនសម្ភារៈចរាចរណ៍រួមមាន ៖ ⁃ សៀវភៅម៉ូតូ អ្វីអ្នកបើកបរទោចក្រយានយន្ត ត្រូវយល់ដឹង២៩៨ក្បាល ⁃ បិតស្ទីកឃ័រ ចំណាំងផ្លាតM3 ២០០បន្ទះ ⁃ បិតស្ទីកឃ័រ ថ្ងៃនេះថ្ងៃស្អែកកុំឲ្យមានគ្រោះថ្នាក់ចរាចរណ៍ ៨ខ្សែ ⁃ ឯកសារជំនួយស្មារតី ស្តីពីច្បាប់ចរាចរណ៍ផ្លូវគោក ប្រការសំខាន់ៗ ដែលត្រូវចងចាំចំពោះអ្នកប្រើប្រាស់ផ្លូវ២៩៨ច្បាប់ ⁃ ខិតប័ណ្ណ សុវត្ថិភាពបើកបររថយន្ត២៩៨ច្បាប់ ⁃ ខិត្តប័ណ្ណ សីលធម៍១០ចំនុច សម្រាប់សុវត្ថិភាពចរាចរណ៍២៩៨ច្បាប់ ⁃ ការពារជីវិតអ្នក ពាក់ខ្សែក្រវាត់សុវត្ថិភាពឲ្យបានត្រឹមត្រូវ១៨ បន្ទះ ⁃ ស្ទីកឃ័រ កំណត់ល្បឿនទោចក្រយានយន្ត ត្រីចក្រយានយន្តបើកបរក្នុងទីក្រុង ឬទីប្រជុំជន ៣០Km/h ២៨បន្ទះ សូមចូលរួមគោរពច្បាប់ចរាចរណ៍ផ្លូវគោក ដើម្បីសុខសុវត្ថិភាពទាំងអស់គ្នា។