សកម្មភាព ក្រុមការងារ ស.ស.យ.ក. វិស័យសាធារណការ និងដឹកជញ្ជូន ចូលរួមវគ្គបណ្ដុះបណ្ដាលស្ដីពី “អតិថិវិន័យ” ដើម្បីសិក្សាអំពិធីការ ការទូត ភ្នំពេញ៖ នៅព្រឹកថ្ងៃពុធ ទី២៧ ខែឧសភា ឆ្នាំ២០២៦ លោកស្រី សន សុភាវត្តី អនុប្រធានក្រុមការងារ ស.ស.យ.ក. វិស័យសាធារណការ និងដឹកជញ្ជូន និងជាប្រធានលេខាធិការដ្ឋាន បានដឹកនាំសមាជិក សមាជិកា ក្រុមការងារ ស.ស.យ.ក. ស័យសាធារណការ និងដឹកជញ្ជូន បានចូលរួមវគ្គបណ្ដុះបណ្ដាលស្ដីពី “អតិថិវិន័យ” ដើម្បីអភិវឌ្ឍសមត្ថភាពសមាជិក សមាជិកាសហភាពសហព័ន្ធយុវជនកម្ពុជា លើពិធីការការទូត និងបដិសណ្ឋារកិច្ច ពាក់ព័ន្ធនឹងការជ្រើសរើសមុខម្ហូបតាមកម្មវិធី ការរៀបចំតុ និងបន្ទប់ទទួលទានអាហារ ការបម្រើអាហារ និងភេសជ្ជៈ និង ការរៀបចំវត្ថុអនុស្សាវរីយ៍ផ្សេងៗ ដែលរៀបចំដោយ ក្រុមការងារ ស.ស.យ.ក. វិស័យការបរទេស និងសហប្រតិបត្តិការអន្តរជាតិ។ វគ្គបណ្ដុះបណ្ដាលនេះក៏មានការចូលរួមពីសមាជិក សមាជិកា តំណាងក្រុមការងារ ស.ស.យ.ក. តាមបណ្ដាវិស័យ និង ស.ស.យ.ក. រាជធានីភ្នំពេញ សរុបចំនួន១២០រូប៕