កិច្ចប្រជុំប្រកាសសមាសភាពអង្គភាពគ្រប់គ្រងគម្រោងតភ្ជាប់ផ្លូវតំបន់កណ្តាល ក្រោមក្របខ័ណ្ឌហិរញ្ញប្បទានពីធនាគារវិនិយោគហេដ្ឋារចនាសម្ព័ន្ធអាស៊ី (AIIB) សម្រាប់ផ្លូវរបៀងចំនួន ២ខ្សែ តភ្ជាប់ពីខេត្តកំពង់ឆ្នាំង កំពង់ស្ពឺ តាកែវ រាជធានីភ្នំពេញ និងខេត្តកណ្តាល ទីស្ដីការក្រសួង៖ នារសៀលថ្ងៃពុធ ទី១៣ ខែឧសភា ឆ្នាំ២០២៦ ឯកឧត្តម យិត បុណ្ណា រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោង អញ្ជើញដឹកនាំកិច្ចប្រជុំប្រកាសសមាសភាពអង្គភាពគ្រប់គ្រងគម្រោងតភ្ជាប់ផ្លូវតំបន់កណ្តាល ក្រោមក្របខ័ណ្ឌហិរញ្ញប្បទានពីធនាគារវិនិយោគហេដ្ឋារចនាសម្ព័ន្ធអាស៊ី (AIIB) សម្រាប់ផ្លូវរបៀងចំនួន ២ខ្សែតភ្ជាប់ពីខេត្តកំពង់ឆ្នាំង កំពង់ស្ពឺ តាកែវ រាជធានីភ្នំពេញ និងខេត្តកណ្តាល ដោយមានការចូលរួមពីឯកឧត្ដមអនុរដ្ឋលេខាធិការ ជានាយករងគម្រោង លោកប្រធានគ្រប់គ្រងគម្រោង និងលោក-លោកស្រី ជាសមាជិក-សមាជិកាគម្រោងផងដែរ។ កិច្ចប្រជុំនេះរៀបចំឡើងក្នុងគោលបំណងដើម្បីប្រកាសសមាសភាពអង្គភាពគ្រប់គ្រងគម្រោងតភ្ជាប់ផ្លូវតំបន់កណ្តាល ក្រោមក្របខ័ណ្ឌហិរញ្ញប្បទានពីធនាគារវិនិយោគហេដ្ឋារចនាសម្ព័ន្ធអាស៊ី (AIIB) សម្រាប់ផ្លូវរបៀងចំនួន ២ខ្សែ តភ្ជាប់ពីខេត្តកំពង់ឆ្នាំង កំពង់ស្ពឺ តាកែវ រាជធានីភ្នំពេញ និងខេត្តកណ្តាល ពីការអនុវត្តតួនាទី ភារកិច្ចដែលបានរៀបចំនៅក្នុងប្រកាស។ បន្ថែមពីនេះ ឯកឧត្ដមរដ្ឋលេខាធិការ បានណែនាំដល់សមាជិក-សមាជិការគម្រោងទាំងអស់ ត្រូវអនុវត្តការងារដោយប្រកបដោយស្មារតីទទួលខុសត្រូវខ្ពស់ ធ្វើយ៉ាងណាដើម្បីធានាឱ្យការអនុវត្តគម្រោងខាងលើទទួលបានជោគជ័យទៅតាមផែនការដែលបានគ្រោងទុក៕