កិច្ចប្រជុំពិនិត្យ និងពិភាក្សាលើរបាយការណ៍ Inception Report នៃគម្រោងការពន្លឿនការផ្គត់ផ្គង់ទឹកស្អាត និងអនាម័យ(WASAC) ក្រោមឥណទានសម្បទានរបស់ធនាគារពិភពលោក(WB) ទីស្ដីការក្រសួង៖ នាថ្ងៃពុធ ទី៦ ខែឧសភា ឆ្នាំ២០២៦ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោងការពន្លឿនការផ្គត់ផ្គង់ទឹកស្អាត និងអនាម័យ(WASAC) បានអញ្ជើញដឹកនាំកិច្ចប្រជុំពិនិត្យលើរបាយការណ៍ Inception Report នៃគម្រោងការពន្លឿនការផ្គត់ផ្គង់ទឹកស្អាត និងអនាម័យ(WASAC) ក្រោមឥណទានសម្បទានរបស់ធនាគារពិភពលោក(WB) ជាមួយតំណាងក្រុមហ៊ុនទីប្រឹក្សាបច្ចេកទេសSAMAN។ កិច្ចប្រជុំនេះក៏មានការអញ្ជើញចូលរួមពី ឯកឧត្តមអនុរដ្ឋលេខាធិការ សមាជិក សមាជិកាគម្រោង តំណាងមន្ទីរសាធារណការខេត្តគោលដៅទាំង៣ (ខេត្តបាត់ដំបង ខេត្តពោធិ៍សាត់ និងខេត្តកណ្តាល) និងមន្ត្រីជំនាញនៃអគ្គនាយកដ្ឋានប្រព័ន្ធចម្រោះទឹកកខ្វក់។ កិច្ចប្រជុំនេះរៀបចំឡើងក្នុងគោលបំណងដើម្បីចូលរួមពិនិត្យ និងពិភាក្សាទៅលើរបាយការណ៍ Inception Report នៃគម្រោងការពន្លឿនការផ្គត់ផ្គង់ទឹកស្អាត និងអនាម័យ(WASAC) ក្រោមឥណទានសម្បទានរបស់ធនាគារពិភពលោក(WB) ដែលរបាយការណ៍នេះរៀបចំដោយតំណាងក្រុមហ៊ុនទីប្រឹក្សាបច្ចេកទេស SAMAN៕