ជំនួបពិភាក្សាការងារជាមួយតំណាងស្ថានទូតសាធារណរដ្ឋអូទ្រីស លើការជំរុញកិច្ចសហប្រតិបត្តិការអភិវឌ្ឍន៍ហេដ្ឋារចនាសម្ព័ន្ធផ្លូវដែកនៅកម្ពុជា ទីស្ដីការក្រសួង៖ នាព្រឹកថ្ងៃពុធ ទី១៨ ខែមីនា ឆ្នាំ២០២៦ ឯកឧត្ដម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញទទួលជួបពិភាក្សាការងារជាមួយគណៈប្រតិភូស្ថានទូតសាធារណរដ្ឋអូទ្រីស(ផ្នែកពាណិជ្ជកម្ម) ដឹកនាំដោយលោក Michael Friedl ទីប្រឹក្សាពាណិជ្ជកម្មអូទ្រីសប្រចាំកម្ពុជា ដោយមានការអញ្ជើញចូលរួមពី ឯកឧត្ដម-លោកជំទាវអនុរដ្ឋលេខាធិការ ឯកឧត្ដមអគ្គនាយក លោក-លោកស្រី អគ្គនាយករង និងមន្ត្រីបច្ចេកទេសពាក់ព័ន្ធផងដែរ។ ជំនួបពិភាក្សានេះផ្ដោតសំខាន់លើការជំរុញកិច្ចសហប្រតិបត្តិការអភិវឌ្ឍន៍ហេដ្ឋារចនាសម្ព័ន្ធផ្លូវដែកនៅកម្ពុជាឱ្យកាន់តែទំនើប សុវត្ថិភាព និងប្រសិទ្ធភាពខ្ពស់ ជាពិសេសពិភាក្សាអំពីការផ្ទេរបច្ចេកទេស កិច្ចសហការលើការវិនិយោគ និងការធ្វើបទបង្ហាញ ចែករំលែកបទពិសោធន៍ផ្សេងៗទាក់ទងនឹងវិស័យសាធារណការ និងដឹកជញ្ជូន ពីគណៈប្រតិភូប្រទេសអូទ្រីស ដែលជាប្រទេសមានជំនាញខ្ពស់លើវិស័យដឹកជញ្ជូននៅអឺរ៉ុប៕