សន្និសីទអ្នកវិនិយោគស្តីពី ការស្ទាបស្ទង់ទីផ្សារសម្រាប់គម្រោងអភិវឌ្ឍន៍មជ្ឈមណ្ឌលភស្តុភារកម្មក្រុងព្រះសីហនុ (SHV-LC) សិង្ហបុរី៖ នាថ្ងៃអង្គារ-ពុធ ទី១៧-១៨ ខែមីនា ឆ្នាំ២០២៦ ឯកឧត្តម ហេង ណន រដ្ឋលេខាធិការ ក្រសួងសាធារណការ និងដឹកជញ្ជូន អញ្ជើញដឹកនាំគណៈប្រតិភូក្រសួងអន្តរក្រសួង ចូលរួមក្នុង “សន្និសីទអ្នកវិនិយោគស្តីពី ការស្ទាបស្ទង់ទីផ្សារ សម្រាប់គម្រោងអភិវឌ្ឍន៍មជ្ឈមណ្ឌលភស្តុភារកម្មក្រុងព្រះសីហនុ (SHV-LC)” ដោយមានការគាំទ្រពី Infrastructure Asia និង International Finance Corporation (IFC)។ សន្និសីទនេះដែរ ត្រូវបានរៀបចំឡើងក្នុងគោលបំណង៖ ១). បង្ហាញនូវសក្ដានុពល និងភាពទាក់ទាញរបស់គម្រោង SHV-LC ដល់អ្នកវិនិយោគដែលមានសក្តានុពលកម្រិតអន្តរជាតិ ២). បង្កើតកិច្ចសហការយុទ្ធសាស្ត្រកម្រិតខ្ពស់ជាមួយវិនិយោគិនអន្តរជាតិ និង ៣). ស្វែងយល់ និងប្រមូលមតិយោបល់របស់វិនិយោគិនអន្តរជាតិ។ បន្ថែមពីនេះ សន្និសីទនេះបានប្រមូលផ្តុំក្រុមហ៊ុនអន្តរជាតិ និងវិនិយោគិនជាច្រើន ដើម្បីពិភាក្សាអំពីឱកាសវិនិយោគ និងការអភិវឌ្ឍគម្រោងមជ្ឈមណ្ឌលភស្តុភារកម្មក្រុងព្រះសីហនុ (SHV-LC) ដែលជាគម្រោងអាទិភាពមួយក្រោមផែនការមេប្រព័ន្ធដឹកជញ្ជូនអន្តរមធ្យោបាយ និងភស្តុភារកម្ពុជា ២០២៣–២០៣៣៕