វេទិកាសាធារណៈថ្នាក់ជាតិ ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្ដ្របញ្ចកោណ ដំណាក់កាលទី១ របស់រាជរដ្ឋាភិបាលសម្រាប់នីតិកាលទី៧ នៅឃុំពូជ្រៃ ស្រុកពេជ្រាដា ខេត្តមណ្ឌលគិរី មណ្ឌលគិរី៖ នាថ្ងៃចន្ទ ទី៩ ខែមីនា ឆ្នាំ២០២៦ ឯកឧត្តម អ៊ីន តុងអាន អនុរដ្ឋលេខាធិការ ទីស្ដីការគណៈរដ្ឋមន្រ្តី និងជាប្រធានក្រុមការងារចុះមូលដ្ឋានស្រុកពេជ្រាដា អញ្ជើញជាអធិបតីក្នុងវេទិកាសាធារណៈថ្នាក់ជាតិដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្ដ្របញ្ចកោណ ដំណាក់កាលទី១ របស់រាជរដ្ឋាភិបាលសម្រាប់នីតិកាលទី៧ ដោយមានការអញ្ជើញពីលោក ងិន សុវិមាន អភិបាលរង នៃគណៈអភិបាលខេត្ត លោក ខាំផង ជា អភិបាលរងស្រុកតំណាងលោក វណ្ណា ម៉ាប់ អភិបាល នៃគណៈអភិបាលស្រុកពេជ្រាដា នៅ(ក្រុមអន្ទ្រងសាមគ្គីសែនជ័យ) ភូមិពូជ្រៃចុងផាង ឃុំពូជ្រៃ ស្រុកពេជ្រាដា ខេត្តមណ្ឌលគិរី លោកប្រធាន អនុប្រធានមន្ទីរពាក់ព័ន្ធ អភិបាលរងស្រុក នាយករងរដ្ឋបាលសាលាស្រុក មេបញ្ជារងស្រុក អធិការរងស្រុក ប្រធានការិយាល័យចំណុះរដ្ឋបាលស្រុក ប្រធានស្នាក់ការដែនជម្រកសត្វព្រៃភ្នំព្រេច និងប្រជាពលរដ្ឋចូលរួមជាច្រើនរូប។ វេទិកានេះរៀបចំឡើងក្នុងគោលបំណង ដើម្បីដោះស្រាយបញ្ហាប្រឈម និងតម្រូវការរបស់ប្រជាពលរដ្ឋនៅមូលដ្ឋាន ស្ថិតនៅភូមិពូជ្រៃចុងផាង ឃុំពូជ្រៃ ស្រុកពេជ្រាដា ខេត្តមណ្ឌលគិរី ដោយប្រជាពលរដ្ឋបានលើកឡើងពីបញ្ហាកង្វល់ ក៏ដូចជាសំណូមពរផ្សេងៗមកកាន់ក្រុមការងាររាជរដ្ឋាភិបាលស្នើសុំជួយដោះស្រាយទៅលើវិស័យមួយចំនួន ដែលក្នុងនោះរួមមាន៖ រដ្ឋបាល សន្តិសុខ អប់រំ អគ្គិសនី កសិកម្ម បរិស្ថាន សុខាភិបាល អភិវឌ្ឍន៍ជនបទ រ៉ែ និងថាមពល ដីធ្លី និងវិស័យធនធានទឹក៕