កិច្ចប្រជុំស្តីពីការភ្ជាប់ប្រព័ន្ធគ្រប់គ្រងវដ្តជីវិតអាគុយរួមបញ្ចូលគ្នា (Integrated Battery Life-Cycle Management System) ជាមួយនឹងក្រុមហ៊ុន VERYWORDS ទីស្ដីការក្រសួង៖ នាថ្ងៃសទី២៧ ខែកុម្ភៈ ឆ្នាំ២០២៦ ឯកឧត្តម ពៅ ម៉ាលី រដ្ឋលេខាធិការ ក្រសួងសាធារណការ និងដឹកជញ្ជូន បានដឹកនាំកិច្ចប្រជុំស្តីពី ការភ្ជាប់ប្រព័ន្ធគ្រប់គ្រងវដ្តជីវិតអាគុយ (Integrated Battery Life-Cycle Management System) ជាមួយនឹងក្រុមហ៊ុន VERYWORDS ដោយមានការអញ្ជើញចូលរួមពីឯកឧត្តមអនុរដ្ឋលេខាធិការ ឯកឧត្តមអគ្គនាយក លោកអគ្គនាយករង លោកអនុប្រធាននាយកដ្ឋាន និងមន្ត្រីជំនាញផ្សេងទៀតនៃអគ្គនាយកដ្ឋានដឹកជញ្ជូនផ្លូវគោក ។ កិច្ចប្រជុំនេះធ្វើឡើងដើម្បីសិក្សាពីគម្រោងក្នុងការគ្រប់គ្រងវដ្តជីវិតអាគុយរបស់រថយន្តអគ្គិសនី ដែលផ្តោតសំខាន់លើ៤ ចំនុចធំៗរួមមាន៖ ១). ការបង្កើតប្រព័ន្ធគ្រប់គ្រង និងត្រួតពិនិត្យពីអាយុកាលនៃការប្រើប្រាស់ថ្មរបស់យានយន្តអគ្គិសនី ២). ការវាយតម្លៃពីសុវត្ថិភាពរបស់ថ្មយានយន្តអគ្គិសនី ៣). ការចុះបញ្ជី និងគោលនយោបាយក្នុងការគ្រប់គ្រងថ្មរថយន្តអគ្គិសនី និង៤). ការបណ្តុះបណ្តាលសមត្ថភាពសម្រាប់មន្ត្រីជំនាញលើការត្រួតពិនិត្យ និងវាយតម្លៃថ្មយានយន្តអគ្គិសនី៕