នាពេលថ្មីៗនេះ ក្រសួងសាធារណការ និង ដឹកជញ្ជូន បានឆ្លើយតបទៅនឹងសំណួរដែលមានអ្នកសួរច្រើនជាងគេ ប្រចាំខែកុម្ភៈ ដែលបានសួរថា ៖ «តើប័ណ្ណបើកបរដែលហួសសុពលភាពមានការពិន័យដែរឬទេ? ហើយដើម្បីបន្តសុពលភាពប័ណ្ណបើកបរ ត្រូវការឯកសារអ្វីខ្លះ? តម្លៃប៉ុន្មាន?»។ទាក់ទិនទៅនឹងរឿងនេះ ក្រសួងសាធារណការ និង ដឹកជញ្ជូន បានឆ្លើយតបឱ្យបានដឹងថា សម្រាប់ប័ណ្ណបើកបរយានយន្ត ដែលហួសសុពលភាពមិនលើសពី ៣០ ថ្ងៃ មិនមានការពិន័យឡើយ។ក្នុងនោះ ក្រសួងបានបន្តឱ្យដឹងថា សម្រាប់ឯកសារតម្រូវរួមមាន៖ – ប័ណ្ណបើកបរដែលត្រូវប្ដូរ (ច្បាប់ដើម) – អត្តសញ្ញាណប័ណ្ណសញ្ជាតិខ្មែរ (ច្បាប់ចម្លងដែលមានបញ្ជាក់ពីអាជ្ញាធរមានសមត្ថកិច្ច) – លិខិតបញ្ជាក់កាយសម្បទា (មាននៅទីតាំងផ្ដល់សេវា) – រូបថត ៤x៦ ផ្ទៃពណ៍ស ចំនួន ៣ សន្លឹកចំពោះកម្រៃសេវា មានដូចជា ៖ – ប័ណ្ណបើកបរប្រេភទ «ក» ២០.០០០ រៀល – ប័ណ្ណបើកបរប្រភេទ «ខ» «គ» «ឃ» «ង» ៣០.០០០ រៀល ក្នុងនោះ លោកអ្នកអាចទៅទទួលសេវានៅមណ្ឌលផ្ដល់សេវាសាធារណៈដែលមានដូចជា៖ – ទីស្ដីការក្រសួង – ផ្សារទំនើបអុីអន១ – ផ្សារទំនើបអុីអន២ – ផ្សារទំនើបអុីអនមានជ័យ – ផ្សារទំនើបអូឡាំព្យា – ផ្សារទំនើបហេរីថេកវ៉ក ខេត្តសៀមរាប – ផ្សារទំនើបហ្វូរីថាមសឃ្វែរ ខេត្តព្រះស៊ីហនុ – តាមច្រកចេញ-ចូល និង មន្ទីរសាធារណការ និង ដឹកជញ្ជូន នៅតាមរាជធានី-ខេត្តដែលបងប្អូនរស់នៅ។សម្រាប់ព័ត៌មានលម្អិតបន្ថែម លោកអ្នកអាចខលតាម (Hotline) ដែលមានលេខ 1275៕