គម្រោងស្ថាបនាសាងសង់ស្ពានមិត្តភាពកម្ពុជា-ជប៉ុន តភ្ជាប់ពីតំបន់ផ្លូវជាតិលេខ១ រាជធានីភ្នំពេញ ឆ្លងកាត់ទន្លេមេគង្គឆ្ពោះទៅតំបន់ក្រុងអរិយក្សត្រ ខេត្តកណ្តាល ក្រោមហិរញ្ញប្បទានរបស់រដ្ឋាភិបាលជប៉ុន សូមជម្រាបថា គម្រោងស្ថាបនាសាងសង់ស្ពានបេតុងខ្សែកាបតភ្ជាប់ពីតំបន់ផ្លូវជាតិលេខ១ ឆ្លងកាត់ទន្លេមេគង្គឆ្ពោះទៅតំបន់ក្រុងអរិយក្សត្រ (ស្ពានក្ដីតាកុយ-អរិយក្សត្រ) គ្រោងសាងសង់ដោយមិត្តជប៉ុន ដែលអតីតនាយករដ្ឋមន្រ្តីនៃកម្ពុជាសម្តេចតេជោហ៊ុន សែន បច្ចុប្បន្នជាប្រធានព្រឹទ្ធសភា ស្នើសុំភាគីជប៉ុន (ទីភ្នាក់ងារសហប្រតិបត្តិការអន្តរជាតិជប៉ុន (JICA) ក្រុមហ៊ុនទីប្រឹក្សាបច្ចេកទេស OCG) ជួយសិក្សា ពិនិត្យលើលទ្ធផលបឋម នៃការសិក្សាសមិទ្ធិលទ្ធភាព និងផ្តល់ជំនួយតាំងពីអំឡុងឆ្នាំ២០១៩មកម៉្លេះ តែដោយសារតំបន់នោះមិនទាន់មានការអភិវឌ្ឍន៍នៃទីក្រុងរណប របស់អ្នកឧកញ៉ាឃុនសៀរ ទើបស្ពាននេះបានក្រសួងទុកសិន។ បច្ចុប្បន្នភាពដោយមានការអភិវឌ្ឍន៍នៃទីក្រុងរណប កោះនរា និងទីក្រុងរណប "មេគង្គ ឃី" ដែលជាទីក្រុងរណបថ្មី តាមបណ្តោយមាត់ទន្លេ នៃទឹកដី ក្រុងអរិយក្សត្រ ខេត្តកណ្តាល។ ទើបសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា សម្រេចឱ្យក្រុមការងារបច្ចេកទេសសិក្សាប្លង់លម្អិតឡើងវិញមុនប្រកាសសម្ពោធបើកការដ្ឋានសាងសង់ជាផ្លូវការនាពេលខាងមុខនេះ៕