ការពង្រឹងប្រសិទ្ធិភាពសេវាសាធារណៈ និងការអនុវត្តគម្រោងហេដ្ឋារចនាសម្ព័ន្ធប្រើប្រាស់ថវិកាជាតិ កិច្ចពិភាក្សាចុងក្រោយ (PANEL DISCUSSION) ក្នុងពិធីសន្និបាតបូកសរុបលទ្ធផលការងារឆ្នាំ២០២៥ និងលើកទិសដៅការងារឆ្នាំ២០២៦ របស់ក្រសួងសាធារណការ និងដឹកជញ្ជូន ទីស្តីការក្រសួង៖ នាព្រឹកថ្ងៃសុក្រ ទី៦ ខែកុម្ភៈ ឆ្នាំ២០២៦ ក្នុងពិធីសន្និបាតបូកសរុបលទ្ធផលការងារឆ្នាំ២០២៥ និងលើកទិសដៅការងារឆ្នាំ២០២៦ ក្រោមអធិបតីភាពដ៏ខ្ពង់ខ្ពស់ ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន បានរៀបចំក្រុមពិភាក្សាទី៣ ដែលជាកិច្ចពិភាក្សាចុងក្រោយ ស្តីពីការពង្រឹងប្រសិទ្ធិភាពសេវាសាធារណៈ និងការអនុវត្តគម្រោងហេដ្ឋារចនាសម្ព័ន្ធប្រើប្រាស់ថវិកាជាតិ ដោយមានការចូលរួមពីវាគ្មិនកិត្តិយសដែលជាប្រធានមន្ទីរសាធារណការ និងដឹកជញ្ជូន មកពីបណ្តាខេត្តចំនួន៥ ដូចជា ខេត្តស្វាយរៀង ខេត្តកំពង់ធំ ខេត្តមណ្ឌលគីរី ខេត្តកំពត និងខេត្តតាកែវ។ កិច្ចពិភាក្សានេះ បានប្រព្រឹត្តទៅដោយផ្ដោតសំខាន់លើការពង្រឹងប្រសិទ្ធភាពសេវាសាធារណៈ និងការអនុវត្តគម្រោងហេដ្ឋារចនាសម្ព័ន្ធប្រើប្រាស់ថវិកាជាតិ ពិសេសទៅលើបទពិសោធន៍ល្អៗក្នុងការលើកកម្ពស់ប្រសិទ្ធិភាពសេវាសាធារណៈឱ្យកាន់តែប្រសើរ និងឆ្លើយតបនឹងតម្រូវការប្រជាពលរដ្ឋ ព្រមទាំងយន្តការនៃការគ្រប់គ្រង និងអនុវត្តគម្រោងដែលប្រើប្រាស់ថវិកាជាតិ ឱ្យមានប្រសិទ្ធិភាព គុណភាពស្របតាមបទដ្ឋានបច្ចេកទេស និងទាន់ពេលវេលា៕