(ភ្នំពេញ)៖ នៅក្នុងសន្និបាតបូកសរុបលទ្ធផលការងារឆ្នាំ២០២៥ និងលើកទិសដៅការងារឆ្នាំ២០២៦ ដែលបានធ្វើឡើងនាព្រឹកថ្ងៃទី០៥ ខែកុម្ភៈ ឆ្នាំ២០២៦នេះ ក្រសួងសាធារណការ និងដឹកជញ្ជូន បានពីបង្ហាញសមិទ្ធផលសំខាន់ៗដែលក្រសួងសម្រេចបានក្នុងឆ្នាំ២០២៥ ដែលសមិទ្ធផលទាំងនេះ បានបង្ហាញពីកិច្ចខិតខំប្រឹងប្រែងរបស់ថ្នាក់ដឹកនាំ ក៏ដូចជាមន្ត្រីគ្រប់លំដាប់ថ្នាក់របស់ក្រសួង ដែលបានរួមចំណែកយ៉ាងសកម្ម លះបង់ទាំងកម្លាំងកាយ និង កម្លាំងចិត្ត ចំណាយទាំងបញ្ញា និងស្មារតី ខិតខំប្រឹងប្រែងបំពេញការងារមិនខ្លាចនឿយហត់ ប្រកបដោយស្មារតីទទួលខុសត្រូវខ្ពស់ រហូតឈានទៅសម្រេចបាននូវសមិទ្ធផលសំខាន់ៗ ជាច្រើនជូនក្រសួង ក៏ដូចជាសង្គមជាតិ ក្នុងរយៈពេលពេញមួយឆ្នាំកន្លងមកនេះ។ ពិធីបើកសន្និបាតបូកសរុបលទ្ធផលការងារឆ្នាំ២០២៥ និងលើកទិសដៅការងារឆ្នាំ២០២៦ បានធ្វើឡើងកក្រោមអធិបតីភាពលោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន និងមានការចូលរួមពីលោក លោកស្រី ជាថ្នាក់ដឹកនាំ មន្ត្រីរាជការ និងបុគ្គលិកនៃក្រសួង សាធារណការ និងដឹកជញ្ជូន ប្រមាណ ៥០០នាក់៕ ខាងក្រោមនេះជាវីដេអូទាំងស្រុងនៃសមិទ្ធផលសំខាន់ៗដែលក្រសួងសម្រេចបានក្នុងឆ្នាំ២០២៥៖