ប្រជាពលរដ្ឋក្នុងឃុំឈើទាល ស្រុកបាណន់ ខេត្តបាត់ដំបង នៅដើមឆ្នាំ២០២៦ នឹងទទួលបានសមិទ្ធផលផ្លូវកៅស៊ូមួយខ្សែ ដែលនឹងផ្តល់ភាពងាយស្រួលក្នុងការធ្វើដំណើរ និងដឹកកសិផលចូលទីផ្សារ។ នៅព្រឹកថ្ងៃទី ០២ ខែកុម្ភៈ ឆ្នាំ ២០២៦ លោក សុខ លូ អភិបាលនៃគណៈអភិបាលខេត្តបាត់ដំបង បានបើកការដ្ឋានស្ថាបនាផ្លូវកៅស៊ូ DBST ដែលប្រវែង ២,០០០ ម៉ែត្រ ទទឹង ១០ ម៉ែត្រ ស្ថិតក្នុងឃុំឈើទាល ស្រុកបាណន់ ខេត្តបាត់ដំបង។ ក្នុងពិធីនោះ លោក សុខ លូ បានជំរុញឲ្យអាជ្ញាធរ ភូមិ ឃុំ ត្រូវយកចិត្តទុកដាក់ក្នុងការរំដោះនិងទប់ស្កាត់ការរំលោភដីចំណីផ្លូវ ដើម្បីបើកផ្លូវឲ្យបានធំទូលាយ លើកសោភ័ណភាព ជំរុញកំណើនសេដ្ឋកិច្ច និងការអភិវឌ្ឍសង្គមឲ្យកាន់តែរីកចម្រើនសម្រាប់កូនចៅជំនាន់ក្រោយ និងកាត់បន្ថយគ្រោះថ្នាក់ចរាចរណ៍តាមដងផ្លូវជាដើម៕