គណ:ប្រតិភូក្រសួង និងធនាគារពិភពលោកចុះទីតាំងការដ្ឋាននៃគម្រោងការពន្លឿនការផ្គត់ផ្គង់ទឹកស្អាត និងអនាម័យនៅខេតុ្តសៀមរាប សៀមរាប៖ នាថ្ងៃព្រហស្បតិ៍ ទី២៩ ខែមករា ឆ្នាំ២០២៦ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំគណ:ប្រតិភូក្រសួងដើម្បីអមដំណើរបំពេញទស្សនកិច្ចរបស់ធនាគារពិភពលោក នៅខេត្តសៀមរាប។ ក្នុងដំណើរបំពេញទស្សនកិច្ចនេះក៏មានការអញ្ជើញចូលរួមពីឯកឧត្តមអនុរដ្ឋលេខាធិការ ឯកឧត្តមនាយកគម្រោង ប្រធានគ្រប់គ្រងគម្រោង និងសមាជិក សមាជិកាគម្រោង តំណាងមន្ទីរសាធារណការ និងដឹកជញ្ជូនខេត្តសៀមរាប តំណាងអង្គភាពគ្រប់គ្រងប្រព័ន្ធចម្រោះទឹកកខ្វក់ខេត្តសៀមរាប ទីប្រឹក្សាគម្រោង តំណាងក្រុមហ៊ុនសាងសង់ និងតំណាងក្រុមហ៊ុនទីប្រឹក្សា និងមន្ត្រីពាក់ព័ន្ធជាច្រើនរូបទៀត។ គោលបំណងនៃដំណើរបំពេញទស្សនកិច្ចនេះគឺ ដើម្បីចុះពិនិត្យទីតាំងការដ្ឋាននៃគម្រោងការពន្លឿនការផ្គត់ផ្គង់ទឹកស្អាត និងអនាម័យ និងប្រជុំពិនិត្យពិភាក្សាអំពីវឌ្ឍនភាពការងារគម្រោង លទ្ធផល បញ្ហាប្រឈម និងដំណោះស្រាយផ្សេងៗ៕