កិច្ចប្រជុំពិនិត្យពិភាក្សាអំពីការងារសិក្សាបច្ចេកទេសគំនូសប្លង់លម្អិតសម្រាប់ប្រព័ន្ធការពារទឹកជំនន់ ក្នុងក្រុងតាខ្មៅ ទីស្ដីការក្រសួង៖ នាថ្ងៃអង្គារ ទី២៧ ខែមករា ឆ្នាំ២០២៦ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោងអភិវឌ្ឍន៍ប្រព័ន្ធប្រព្រឹត្តកម្មទឹកកខ្វក់ នៅក្នុងក្រុងតាខ្មៅ បានអញ្ជើញដឹកនាំកិច្ចប្រជុំពិនិត្យពិភាក្សាអំពីការងារសិក្សាបច្ចេកទេសគំនូសប្លង់លម្អិតសម្រាប់ប្រព័ន្ធការពារទឹកជំនន់ក្នុងក្រុងតាខ្មៅ ដោយការអញ្ជើញចូលរួមពី ឯកឧត្តមនាយករងគម្រោង ប្រធានគ្រប់គ្រងគម្រោង សមាជិក-សមាជិកាគម្រោង តំណាងមន្ទីរសាធារណការ និងដឹកជញ្ជូន ខេត្តកណ្តាល ក្រុមការងារទីប្រឹក្សាគម្រោង Consultant Dohwa-Seoyoung Joint Venture និងក្រុមការងារក្រុមហ៊ុនសាងសង់ Joint Venture of KUMHO-TECHCROSS។ កិច្ខប្រជុំនេះរៀបចំឡើងក្នុងគោលបំណងដើម្បីពិនិត្យ និងពិភាក្សាអំពីការងារសិក្សាបច្ចេកទេសគំនូសប្លង់លម្អិតសម្រាប់ប្រព័ន្ធការពារទឹកជំនន់ក្នុងក្រុងតាខ្មៅ៕