ក្រុមការងាររាជរដ្ឋាភិបាលចុះមូលដ្ឋានខេត្តមណ្ឌលគិរី ឧបត្ថម្ភដល់គ្រួសារវីរកងទ័ពជួរមុខនៅតំបន់ព្រំដែនកម្ពុជា-ថៃ ចំនួន១៣គ្រួសារ មណ្ឌលគិរី៖ នារសៀលថ្ងៃសុក្រ ទី១៦ ខែមករា ឆ្នាំ២០២៦ លោក ចាយ ថៃ ប្រធានក្រុមប្រឹក្សាក្រុង លោក ហៀក សុផាន អភិបាល នៃគណៈអភិបាលក្រុង និងមន្រ្តីរាជការសាលាក្រុង បាននាំយកអំណោយរបស់លោកជំទាវ ថងភៀន ឆ័យម៉ាលី អនុរដ្ឋលេខាធិការ ក្រសួងកិច្ចការនារី សមាជិកក្រុមការងាររាជរដ្ឋាភិបាលចុះមូលដ្ឋានខេត្តមណ្ឌលគិរី និងជាអនុប្រធានក្រុមការងារគណបក្សចុះមូលដ្ឋានក្រុងសែនមនោរម្យ ឧបត្ថម្ភដល់គ្រួសារវីរៈកងទ័ពជួរមុខនៅតំបន់ព្រំដែនកម្ពុជា-ថៃ ចំនួន១៣នាក់ ស្មើ១៣គ្រួសារ ដែលក្នុងមួយគ្រួសារទទួលបានអង្ករចំនួន ២០គីឡូក្រាម ទឹកត្រី១យួរ មី១កេស ប្រេងឆា១ដប ភួយ១ កន្សែង១ សារ៉ុង១ ប្រេងកូឡា១ដប និងថវិកាចំនួន ១០ម៉ឺនរៀល នៅសាលាសង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី៕