ពិធីជួបសំណេះសំណាល និងផ្តល់អនុសាសន៍ណែនាំល្អៗ ដល់ក្រុមនិស្សិតជ័យលាភីអាហារូបករណ៍ប្រទេសអូស្រ្ដាលី ឆ្នាំសិក្សា២០២៦ (Australia Awards Scholarships) នៅស្ថានទូតអូស្រ្ដាលីប្រចាំព្រះរាជាណាចក្រកម្ពុជា ភ្នំពេញ៖ នាព្រឹកថ្ងៃសុក្រ ទី២៦ ខែធ្នូ ឆ្នាំ២០២៦ លោក សិទ្ធី បញ្ញាវុធ ប្រធាននាយកដ្ឋានគ្រឿងចក្រ និងស្ថាបនាផ្លូវ អញ្ជើញចូលរួមពិធីជួបសំណេះសំណាល និងផ្តល់អនុសាសន៍ណែនាំល្អៗដល់ក្រុមនិស្សិតជ័យលាភីអាហារូបករណ៍ប្រទេសអូស្រ្ដាលី ឆ្នាំសិក្សា២០២៦ (Australia Awards Scholarships។ពិធីនេះដែរមានការអញ្ជើញចូលរួមពី ឯកអគ្គរដ្ឋទូតអូស្រ្ដាលីប្រចាំកម្ពុជា ថ្នាក់ដឹកនាំជាន់ខ្ពស់មកពីក្រសួងស្ថាប័នរបស់រាជរដ្ឋាភិបាលកម្ពុជា ថ្នាក់ដឹកនាំស្ថានទូតអូស្រ្ដាលី និងក្រុមនិសិ្សតជ័យលាភីអាហារូបករណ៍ទាំងអស់។ កម្មវិធីនេះប្រព្រឹត្តទៅក្នុងគោលបំណងចែករំលែកបទពិសោធន៍ណែនាំល្អៗ ដល់ក្រុមនិស្សិតជ័យលាភី ជាពិសេស គឺការបង្កើនចំណងមិត្តភាព ទំនាក់ទំនងការងារ និងកិច្ចសហប្រតិបត្តិការឱ្យកាន់តែជិតស្និទល្អប្រសើរ រវាងស្ថាប័នរាជរដ្ឋាភិបាលកម្ពុជា វិស័យឯកជន និងអង្គការក្រៅរដ្ឋាភិបាល ជាមួយនឹងរដ្ឋាភិបាលអូស្រ្ដាលី ក្នុងការអភិវឌ្ឍធនធានមនុស្សកម្ពុជា សម្រាប់ជំរុញដល់ការអភិវឌ្ឍតាមបណ្ដាវិស័យនានាក្នុងព្រះរាជាណាចក្រកម្ពុជា ឱ្យកាន់តែរីកចម្រើនល្អប្រសើរ ឆ្ពោះទៅមុខ៕